بۇل يدەيانى العاش رەت 1978 جىلى جاپون گرافيكالىق ديزاينەرى تومويۋكي ونو ۇسىنعان. ول قاربىزدى اينەكتەن جاسالعان ءتورت قىرلى قالىپقا سالىپ تاجىريبە جاساپ كورەدى. ناتيجەسىندە دومالاق ەمەس, تەكشە پىشىندەس قاربىز شىعادى.
مۇنداي قاربىزدى ساقتاۋ, تاسىمالداۋ جانە ۇستەلگە قويۋ ىڭعايلى, بىراق باعاسى كادىمگىسىنەن بىرنەشە ەسە قىمبات. كۋب ءتارىزدى قاربىزدى جاپونياداعى ساۋدا ورىندارىنان تابۋعا بولادى.