بايزاق اۋداندىق سوتىندا جەدەل جاردەم فەلدشەرىنىڭ كەۋدە تۇسىنان وق اتقان ەر ادامعا قاتىستى قىلمىستىق ءىس قارالدى, دەپ حابارلايدى Egemen.kz.
سوتتا انىقتالعانداي, بيىلعى جىلدىڭ شىلدە ايىندا بايزاق اۋدانىنداعى ستوماتولوگيالىق ەمحانانىڭ الدىندا سوتتالۋشى جابىرلەنۋشىمەن جانجالداسىپ قالعان. سالدارىنان سوتتالۋشى م. سومكەسىنەن اتىس قارۋىن الىپ, جابىرلەنۋشىنىڭ كەۋدەسىنىڭ سول جاعىنا ءبىر رەت وق اتىپ, قىلمىس ورنىنان بوي تاسالاعان.
پروكۋرور سوتتالۋشىنى 3 جىل 6 ايعا باس بوستاندىعىنان ايىرۋدى سۇراعان. سوتتالۋشى ءوز كىناسىن تولىقمويىنداپ, جابىرلەنۋشىمەن تاتۋلاسقانىن جانە وعان كەلتىرىلگەن زياندى وتەگەنىن ايتقان. ال جابىرلەنۋشى سوتتالۋشىنى كەشىرگەنىن راستاپ, سوتتان ونى قىلمىستىق جاۋاپكەرشىلىكتەن بوساتۋدى وتىنگەن.
«سوت قاۋلىسىمەن م. كىنالى دەپ تانىلىپ, 3 جىل 6 ايعا باس بوستاندىعىنان ايىرۋ جازاسىنا كەسىلدى. قىلمىستىق كودەكستىڭ 63-بابىن قولدانۋمەن تاعايىندالعان جازا شارتتى دەپ تانىلدى», دەلىنگەن حابارلامادا.
ۇكىم زاڭدى كۇشىنە ەنگەن جوق.