بۇگىن اتىراۋ قالاسىنداعى ەكى مەكتەپتىڭ وقۋشىلارى ساباقتى ونلاين وقۋعا جىبەرىلدى. بۇعان سۋ قۇبىرىنداعى اپاتتى قالپىنا كەلتىرۋ جۇمىسى سەبەپ بولعان, دەپ حابارلايدى Egemen.kz.
«اتىراۋ وبلىسى سۋ ارناسى» كمك-نىڭ اقپاراتىنا قاراعاندا, «نۇرسايا» شاعىن اۋدانىنداعى بىرنەشە قوپقاباتتى ۇيلەر مەن الەۋمەتتىك نىساندارعا سۋ بەرۋ ۋاقىتشا توقتاتىلعان.
«د-315 مم سۋ قۇبىرىندا اپاتتى قالپىنا كەلتىرۋ جۇمىسى جۇرگىزىلۋىنە بايلانىستى «نۇرسايا» شاعىن اۋدانىندا ورنالاسقان سورعى ستانسالارىنىڭ جۇمىسى ۋاقىتشا توقتاتىلادى. وسىعان وراي 3 قىركۇيەك كۇنى ساعات 10:00-دەن 20:00-گە دەيىن تۇرعىن ۇيلەر مەن نىساندارعا سۋ بەرۋ توقتاتىلادى», دەپ حابارلادى كاسىپورىننىڭ ءباسپاسوز قىزمەتى.
سۋدىڭ توقتاتىلۋىنا بايلانىستى №38 مەكتەپ-ليتسەي مەن نازارباەۆ زياتكەرلىك مەكتەبىنىڭ وقۋشىلارى ساباقتى ونلاين فورماتتا وقۋعا جىبەرىلدى. سونداي-اق, №5 بالالار مەن جاسوسپىرىمدەر سپورت مەكتەبىنە, «نۇرسايا» جانە «ميراس» بالاباقشاسىنا سۋ بەرۋ ۋاقىتشا توقتاتىلدى.