ەلباسى قازاقستان پرەزيدەنتى لاۋازىمىنا رەسمي كىرىسۋ سالتاناتىندا سويلەگەن سوزىندە 26 ءساۋىردە وتكەن سايلاۋ رەسپۋبليكا تۇرعىندارىنىڭ ەل بىرلىگىنە بەرىكتىگى مەن كەمەل كەلەشەككە سەنىمدىلىگىن پاش ەتكەنىن ايرىقشا اتاپ كورسەتتى. سولتۇستىكقازاقستاندىق سايلاۋشىلار دا جوعارى ۇيىمشىلدىقتىڭ ۇلگىسىن كورسەتىپ, ەلباسىمىزبەن بىرگە بولاتىندارىن ءبىراۋىزدان ءمالىم ەتتى. مەن سۆەتلوپولسك اۋىلدىق وكرۋگىندە ورنالاسقان №344 سايلاۋ ۋچاسكەسىندە قوعامدىق بايقاۋشى ميسسياسىن اتقارا ءجۇرىپ, جۇرتشىلىقتىڭ سايلاۋعا دەگەن ەرەكشە ىنتا-ىقىلاسى مەن جوعارى جاۋاپكەرشىلىگىنىڭ كۋاسى بولدىم. تىزىمدەگى سايلاۋشىلاردىڭ 99 پايىزى ءوز تاڭداۋلارىن جاساپ, ەل تۇتاستىعى, ۇرپاعىمىزدىڭ بولاشاعى, مەملەكەتتىلىگىمىزدىڭ نىعايۋى بەيجاي قالدىرمايتىندارىن ايعاقتادى.
كەز كەلگەن ەلدىڭ قۋاتى حالقىنىڭ بىرلىگىندە ەكەنىن قازاقستان حالقى اسسامبلەياسىنىڭ ءححىى سەزىندە العا تارتقان مەملەكەت باسشىسىنىڭ دەلەگاتتار نازارىن بەس حالىقتىق رەفورماعا اۋدارۋى تەكتەن-تەك ەمەس. ويتكەنى, بۇكىلحالىقتىق مەحانيزمدەر مەن مەگا-جوبالاردى ىسكە اسىرۋ ارقىلى عانا ءبىرتۇتاس ۇلتتىق ماسەلەلەردى شەشۋگە, تىنىشتىق پەن تاتۋلىقتىڭ قازاقستاندىق مودەلىن قالىپتاستىرۋعا قابىلەتتىمىز. نۇرسۇلتان ءابىش ۇلى سالماقتى دا كورەگەن يدەيالارىمەن يناۋگۋراتسيا كەزىندە دە ءبولىسىپ, قازاقستاندى ەڭ قۋاتتى ەلدەردىڭ قاتارىنا قوسۋ جونىندەگى باتىل ۇستانىمىن تاعى ءبىر قۋاتتاپ بەردى. قازاقستاندىقتارعا تورتكۇل دۇنيەدە داعدارىستار مەن جانجالداردىڭ جاڭا ۇشقىندارى ءورشىپ وتىرعانىن جەتكىزە كەلىپ, 5 سىرتقى سىن-قاتەرلەردىڭ قاۋىپ ءتوندىرىپ وتىرعانىن ەسكەرتتى. وعان قارسى تۇرارلىق, ەڭسەرەتىن, تىڭ بەلەستەرگە ۇمتىلدىراتىن بەس اۋقىمدى مىندەتتەردى ۇسىندى. وسىلايشا, «قازاقستان-2030» العاشقى ۇزاق مەرزىمدى ستراتەگياسىن قابىلداپ, ورنىقتى دامۋ جولىنا نىق تۇسكەن ەلىمىزدىڭ ەكونوميكالىق ءوسىمىن باسەڭدەتپەۋ, ازاماتتاردىڭ ءومىر ءسۇرۋ دەڭگەيىن كوتەرۋ قاعيداتتارىن مۇلتىكسىز جۇزەگە اسىرۋ ءۇشىن ەلباسى جارلىعىمەن پرەزيدەنت جانىنان جاڭعىرتۋ جونىندەگى ۇلتتىق كوميسسيانىڭ قۇرىلعانىن, وعان 5 رەفورمانى كەزەڭ-كەزەڭمەن اسىرۋدى باسقارۋ, ۇيلەستىرۋ سەكىلدى مىندەتتەر جۇكتەلگەنىن ەستىپ, حالىقتىق رەفورمالاردى قالتقىسىز ورىنداۋدىڭ قوزعاۋشى كۇشى رەتىندە قابىلدادىق.
ەلباسى «مەملەكەتتىك قۇرىلىستىڭ ودان ارعى 100 ناقتى قادامى» اتتى ۇلت جوسپارىن ۇسىنامىن. بۇل باعدارلاما – ءبىزدىڭ جاھاندىق جانە ىشكى-سىرتقى قاتەرلەرگە, سونىمەن ءبىر مەزگىلدە, جاڭا تاريحي جاعدايلاردا 30 دامىعان مەملەكەتتىڭ قاتارىنا ەنۋ جونىندەگى جوسپارىمىز. رەفورمالاردى جۇزەگە اسىرۋ – الدا تۇرعان 10-15 جىلدا ءبىرىنشى كەزەكتەگى ۇلتتىق مىندەت», دەي وتىرىپ, كوميسسيانىڭ العاشقى وتىرىسىندا جاريالايتىنىن ايتقان ەدى. بۇل كۇندى دە تاعاتسىزدانا توسىپ وتىرمىز.
سۆەتلانا اۆگۋستينسكايا,
«سوۆحوزنايا» ورتا مەكتەبىنىڭ ديرەكتورى.
سولتۇستىك قازاقستان وبلىسى,
قىزىلجار اۋدانى.