ۇلتتىق بانك اقشا ايىرباستاۋ پۋنكتتەرىنە جاڭا ەرەجەلەر ەنگىزەدى. قۇجات 2025 جىلدىڭ ءتورتىنشى توقسانىندا كۇشىنە ەنەدى, دەپ جازادى Egemen.kz.
جاڭا تالاپتارعا سايكەس, ۆاليۋتا ايىرباستايتىن كليەنتتەردىڭ جەكە دەرەكتەرىن تەكسەرۋ كۇشەيتىلەدى. بۇل شارا زاڭسىز جولمەن الىنعان قاراجاتتى زاڭداستىرۋعا قارسى تالاپتارعا ساي جۇرگىزىلەدى.
سونىمەن قاتار وففشورلىق ايماقتاردىڭ ءتىزىمى ناقتىلانىپ, التىن قۇيمالارىن ساتىپ الۋ مەن ساتۋ كەزىندە كليەنتتەردى تەكسەرۋ ءتارتىبى دە قاتاڭدايدى.
ايتا كەتەيىك, 2025 جىلدىڭ 9 قىركۇيەگىنەن باستاپ ايىرباستاۋ پۋنكتتەرىنە سىرتقى تابلودا ۆاليۋتا باعامدارىن كورسەتۋگە تىيىم سالىنادى. باعامدار تەك پۋنكت ىشىندە عانا كورسەتىلەدى.
شىلدە ايىندا ايىرباستاۋ پۋنكتتەرىندەگى ءرۋبلدىڭ نەتتو-ساتىلىمى 53,2 ملرد تەڭگەگە جەتكەن. بۇل كورسەتكىش جىل باسىنان بەرى 5,6 ەسەگە وسكەن.