ءبىلىم كۇنىن ۇلىتاۋ وبلىسىنىڭ وقۋشىلارى دا سالتاناتتى تۇردە اتاپ ءوتتى. جاڭا وقۋ جىلىندا ۇلىتاۋ وبلىسىندا 4150 ءبۇلدىرشىن العاش رەت مەكتەپ تابالدىرىعىن اتتادى, دەپ حابارلايدى Egemen.kz.
بيىل «كەلەشەك مەكتەپتەرى» ۇلتتىق جوباسى اياسىندا جەزقازعان قالاسىنىڭ قابانباي شاعىن اۋدانىندا 300 ورىندىق جاڭا №12 جالپى ءبىلىم بەرەتىن مەكتەپ پايدالانۋعا بەرىلدى.
زاماناۋي ۇلگىدە سالىنعان ءبىلىم ورداسىندا جاس ۇرپاقتىڭ ساپالى ءبىلىم الۋىنا بارلىق جاعداي جاسالعان.
كەڭ, جارىق مەكتەپتە ۇستازدار ۇجىمى جاس ۇرپاقتىڭ دارىنى مەن قابىلەتىن اشۋعا باعىتتالعان زاماناۋي ادىستەمەلەردى قولدانادى. يننوۆاتسيالىق وقۋ ورتاسى تسيفرلىق قۇرالدارمەن, زەرتحانالارمەن, روبوتوتەحنيكا مەن پاندىك كابينەتتەرمەن جابدىقتالعان. ءار بالا ءتۇرلى ۇيىرمەلەرگە قاتىسىپ, شىعارماشىلىق تۇرعىدا دامۋعا مۇمكىندىك الادى. سونىمەن قاتار, مەكتەپتە كىتاپحانا, اكت زالى, اسحانا, سپورت زالدارى, دەمالىس ايماقتارى, ويىن الاڭدارى مەن شىعارماشىلىق ستۋديالار بار.
ەڭ ءتيىمدىسى – اتا-انامەن سەرىكتەستىك ورناتىلىپ, اشىق قارىم-قاتىناس پەن ءار بالانىڭ جەكە دامۋىنا باعىتتالعان بىرلەسكەن جۇمىس جۇرگىزىلەدى.
وقۋ جىلى قارساڭىندا وڭىردەگى جەتى مەكتەپ كۇردەلى جوندەۋدەن ءوتتى. بۇل جۇمىستار وقۋ ورىندارىنىڭ ماتەريالدىق-تەحنيكالىق بازاسىن نىعايتىپ, بالالاردىڭ جايلى ءارى زاماناۋي ورتادا ءبىلىم الۋىنا جاعداي جاسادى.
2027 جىلعا دەيىن رەنوۆاتسيا باعدارلاماسى اياسىندا وبلىستىڭ جالپى 18 ءبىلىم وشاعى كەزەڭ-كەزەڭىمەن جاڭعىرتۋدان وتەدى.
ۇلىتاۋ وبلىسى