فرانتسيانىڭ ود دەپارتامەنتىندە سوڭعى ونداعان جىلداعى ەڭ اۋقىمدى ورمان ءورتى اۋىزدىقتالدى, دەپ حابارلايدى Egemen.kz.
ايماقتىق پرەفەكتۋرانىڭ رەسمي مالىمدەمەسىنە سايكەس, قىزىل جالىن شارپىعان اۋماقتىڭ كولەمى 17 مىڭ گەكتارعا جەتكەن. ءورت سوندىرۋشىلەر مەن قۇتقارۋ قىزمەتتەرىنىڭ ۇيلەسىمدى ەڭبەگىنىڭ ارقاسىندا ورتەنگەن اۋماق تولىعىمەن باقىلاۋعا الىنىپ, ءورت تولىق سوندىرىلگەن.ايتا كەتەيىك, ءتىلسىز جاۋ 5 تامىزدا باستالىپ, اپتاپ ىستىق, قاتتى جەل مەن تومەن ىلعالدىلىقتىڭ اسەرىنەن جىلدام تاراعان. Le Parisien دەرەگىنشە, وقيعا سالدارىنان ءبىر قارت ايەل قازا تاۋىپ, تاعى توعىز ادام جاراقات العان.فرانتسيانىڭ ىشكى ىستەر ءمينيسترى بريۋنو رەتايو بۇل اپاتتى 1949 جىلدان بەرگى ەڭ ءىرى ءورت دەپ اتادى. ال مونپەلە پروكۋرورى كريستوف باررە جۇرگىزىلگەن ساراپتاما ناتيجەلەرى ءورتتىڭ ادەيى ۇيىمداستىرىلعان بولۋى ىقتيمالدىعىن جوققا شىعارمايتىنىن جەتكىزدى.