استانادا جۇزەگە اسىرىلىپ جاتقان Smart City / Smart Astana جوباسى ەلوردانى وڭىردەگى ەڭ قاۋىپسىز ءارى تەحنولوگيالىق تۇرعىدا دامىعان قالالاردىڭ قاتارىنا قوسۋعا باعىتتالعان, دەپ حابارلايدى Egemen.kz.
جوبانىڭ نەگىزگى سەرىكتەسى – ءباا-ءنىڭ Presight AI كومپانياسى. نارىقتىق كاپيتاليزاتسياسى $5 ملرد بولاتىن بۇل كومپانيا جاساندى ينتەللەكت پەن Big Data سالاسىندا ايماقتىق كوشباسشى سانالادى. دۋباي مەن ابۋ-ءدابيدى الەمدەگى ەڭ قاۋىپسىز قالالاردىڭ قاتارىنا قوسقان تاجىريبە ەندى استانادا قولدانىلىپ جاتىر.جوبا اياسىندا تاۋلىك بويى جۇمىس ىستەيتىن سيتۋاتسيالىق ورتالىق قۇرىلادى. ول بەينەباقىلاۋ, كولىك, تكش جانە قوعامدىق قاۋىپسىزدىك سالالارىن بىرىكتىرەتىن 15-تەن استام جۇيەنى قامتيدى. جىل سوڭىنا دەيىن قالادا 15 مىڭنان استام كامەرا ورناتىلىپ, ولار 35-تەن استام جاساندى ينتەللەكت الگوريتمدەرىمەن جۇمىس ىستەيتىن بولادى. جۇيە ادامداردىڭ ءىس-ارەكەتىن تانۋعا, كولىك قوزعالىسىن باقىلاۋعا, جول ەرەجەسىن بۇزۋشىلىقتاردى تىركەۋگە مۇمكىندىك بەرەدى.
قالا تۇرعىندارى ءۇشىن پايداسى
قۇقىقبۇزۋشىلىقتارعا ارەكەت ەتۋ ۋاقىتى 30–50%-عا قىسقارادى; جول قاۋىپسىزدىگى كۇشەيەدى, اپاتتاردىڭ الدىن الۋ جۇيەسى ەنگىزىلەدى; بالالاردىڭ قاۋىپسىزدىگى ءۇشىن مەكتەپتەر مەن اۋلالارعا «اقىلدى» كامەرالار قويىلادى; قاۋىپسىزدىك تەك ورتالىقتا عانا ەمەس, شەتكى اۋدانداردا دا بىردەي قامتاماسىز ەتىلەدى.بۇل فاكتورلار جىلجىمايتىن م ۇلىك باعاسىنا تىكەلەي اسەر ەتىپ, قالا شەتتەرىندەگى ىقشاماۋدانداردى دا ينۆەستورلار ءۇشىن تارتىمدى ەتەدى.
الەۋمەتتىك ساۋالناما ناتيجەلەرى كورسەتكەندەي:
85% تۇرعىن بالالاردىڭ قاۋىپسىزدىگىن باستى باسىمدىق دەپ سانايدى; 91% بارلىق بەينەباقىلاۋ جۇيەسىن ورتالىقتاندىرۋدى قولدايدى; 51% جول اپاتتارىنىڭ سانىن ازايتۋدى ماڭىزدى دەپ كورسەتكەن; 46% قالا شەتتەرىن تولىق قامتۋدى قاجەت دەپ ەسەپتەيدى.استانا قالاسى تسيفرلاندىرۋ باسقارماسىنىڭ باسشىسى بەرىك احمەتوۆتىڭ ايتۋىنشا, جوبا ماقساتى تەك كامەرا ورناتۋ ەمەس, قالانى باسقارۋدىڭ بىرىڭعاي تسيفرلىق ارحيتەكتۋراسىن قۇرۋ. ال Presight AI Kazakhstan وكىلدەرى جۇمىستىڭ 60%-عا جۋىعىن قازاقستاندىق IT-كومپانيالار اتقاراتىنىن, بۇل سالادا جاڭا جۇمىس ورىندارى مەن قۇزىرەتتەردىڭ قالىپتاساتىنىن اتاپ ءوتتى.Smart Astana – تەك تەحنولوگيالىق جوبا ەمەس, قوعام سۇرانىسىنا جاۋاپ بەرەتىن ستراتەگيالىق شەشىم. ول ەلوردانىڭ ينۆەستيتسيالىق تارتىمدىلىعىن ارتتىرىپ, قاۋىپسىزدىك پەن جايلىلىقتىڭ جاڭا ستاندارتىن ورناتادى.