قازاقستاندا 2025 جىلدىڭ 1 قىركۇيەگىنەن باستاپ شاكىرتاقى مولشەرى وسەدى. بۇل تۋرالى عىلىم جانە جوعارى ءبىلىم ۆيتسە-ءمينيسترى گۇلزات كوبەنوۆا ايتتى, دەپ حابارلايدى Egemen.kz.
كوبەنوۆانىڭ ايتۋىنشا, ستيپەنديالاردىڭ كوتەرىلۋى جۇيەلى سيپاتقا يە بولعان.
«بيىل دا ستيپەنديالاردى ارتتىرۋ كوزدەلىپ وتىر. 2020 جىلمەن سالىستىرعاندا ولاردىڭ مولشەرى ءىس جۇزىندە ەكى ەسە ءوستى», دەدى ۆيتسە-مينيستر وكق بريفينگىندە.
2025 جىلعى 1 قىركۇيەكتەن باستاپ ستيپەنديا مولشەرى مىناداي بولادى:
باكالاۆريات ستۋدەنتتەرى ءۇشىن — 52 372 تەڭگە;
پەداگوگيكالىق ماماندىقتار ستۋدەنتتەرى ءۇشىن — 84 000 تەڭگە;
ماگيسترانتتار ءۇشىن — 117 098 تەڭگە;
دوكتورانتتار ءۇشىن — 262 500 تەڭگە.