قازاقستان مەن يوردانيا اراسىندا ساۋدا-ەكونوميكالىق قارىم-قاتىناستاردى, ينۆەستيتسيالىق ارىپتەستىكتى جانە ءوزارا ىنتىماقتاستىقتى دامىتۋ ماسەلەلەرى تالقىلانادى. كەزدەسۋدە تاراپتار ەنەرگەتيكا, اۋىل شارۋاشىلىعى مەن ازىق-ت ۇلىك قاۋىپسىزدىگى, فارماتسەۆتيكا, IT جانە تسيفرلاندىرۋ, كولىك لوگيستيكاسى, تۋريزم, سونداي-اق گۋمانيتارلىق جانە ءبىلىم بەرۋ سالالارى بويىنشا وزەكتى تاقىرىپتاردى قاراستىرماق, دەپ حابارلايدى Egemen.kz.
ساپار اياسىندا 15-كە جۋىق ۇكىمەتارالىق جانە كوممەرتسيالىق كەلىسىمگە قول قويىلۋى جوسپارلانىپ وتىر. بۇل قۇجاتتار ەكى ەل اراسىنداعى شارتتىق-قۇقىقتىق بازانى ەداۋىر كەڭەيتىپ, ءوزارا ارىپتەستىكتى جاڭا دەڭگەيگە شىعارۋعا مۇمكىندىك بەرەدى.
ماڭىزدى وقيعالاردىڭ ءبىرى – قازاقستان مەن يوردانيا بيزنەس-فورۋمى بولماق. وعان شامامەن 300-گە جۋىق كاسىپكەر مەن ينۆەستور قاتىسىپ, ىسكەرلىك كەزدەسۋلەر وتكىزىپ, كەلىسىمشارتتار جاساسادى دەپ كۇتىلەدى.
يوردانيا كورولى ابداللا II-ءنىڭ قازاقستانعا ساپارى ەكى ەل اراسىنداعى ىنتىماقتاستىقتى جاڭا كەزەڭگە شىعارماق. قول قويىلاتىن كەلىسىمدەر ۇزاق مەرزىمدى پەرسپەكتيۆادا ءوزارا ساۋدا اينالىمىنىڭ ارتۋىنا جانە ينۆەستيتسيا تارتۋعا نەگىز بولادى.