جاڭا وقۋ جىلى قارساڭىندا مەكتەپ فورماسى مەن قۇرال-جابدىقتارى سەكىلدى كولىك كارتاسىن دا الدىن الا ازىرلەۋ ماڭىزدى. وسى ورايدا استانالىق وقۋشىلار ءۇشىن قوعامدىق كولىكتە تەگىن جۇرۋگە مۇمكىندىك بەرەتىن كارتانى راسىمدەۋ جولدارىن بولىسەمىز, دەپ جازادى Egemen.kz.
«City Transportation Systems» كومپانياسىنىڭ مالىمەتىنشە, 18 جاسقا دەيىنگى وقۋشىلار اۆتوبۋستا تەگىن قاتىناۋ ۇشىن مەكتەپ كولىك كارتاسىن ۆاليداتسيالاۋ نەمەسە ۆيرتۋالدى تاريفپەن - «Avtobys» قوسىمشاسىمەن QR-كودتى سكانەرلەۋ قاجەت.
مەكتەپ كولىك كارتاسىن راسىمدەۋ ءۇشىن ر. قوشقارباەۆ داڭعىلى, 50/1 مەكەنجايىنداعى ورتالىق كاسساعا جۇگىنۋگە بولادى.
بۇل قىزمەتتى ونلاين دا الۋعا بولادى:
پلاستيكالىق مەكتەپ كولىك كارتاسى (اقىلى - 1200 تەڭگە)
• كارتانى شىعارۋ نەمەسە قايتا شىعارۋ ءوتىنىمىن Transcard.kz سايتىندا ونلاين بەرۋ.• كولىك كارتاسى دايىن بولعان كەزدە, كەزەكسىز ورتالىق كاسسانىڭ قابىلداۋ بولىمىنەن الىپ كەتۋگە بولادى.
ۆيرتۋالدى مەكتەپ كولىك كارتاسى (تەگىن)• Transcard.kz سايتىندا ونلاين راسىمدەلەدى.• تەكسەرۋ مەن مودەراتسيادان كەيىن «Avtobys» ءموبيلدى قوسىمشاسىندا «ستاندارت» مارتەبەسى «وقۋشىعا» وزگەرەدى.• جولاقى قوسىمشامەن QR-كودتى سكانەرلەۋ ارقىلى راستالادى.
ايتا كەتەيىك, ءبىرىنشى سىنىپ وقۋشىلارىنا مەكتەپ كولىك كارتاسىن راسىمدەۋ تەك بالانىڭ دەرەكتەرى وقۋشىلار دەرەكقورىندا پايدا بولعاننان كەيىن قولجەتىمدى بولادى.