اتىراۋ قالاسىندا «سەرگەك» باقىلاۋ جۇيەسىنىڭ 2750 كامەراسى بار. شاھارداعى 100 مەكتەپ اتالعان جۇيەنىڭ كامەرالارى SOS دابىل تۇيمەسىمەن قامتىلدى, دەپ حابارلايدى Egemen.kz.
جەدەل باسقارۋ ورتالىعىنىڭ اعا ينسپەكتورى ءنازيرا مولداشەۆانىڭ ايتۋىنشا, وقۋشىلار توتەنشە جاعدايعا تاپ بولسا, دابىل تۇيمەسى ارقىلى پوليتسياعا حابار بەرە الادى.
«مۇنداي دابىل جۇيەسى وقىس جايتتاردىڭ الدىن الۋعا, بالالاردىڭ قاۋىپسىزدىگىن قامتاماسىز ەتۋگە ىقپال ەتەدى. مەكتەپتە SOS تۇيمەسى باسىلعان كەزدە ءبىز دەرەۋ سول ءبىلىم وشاعىنا يۋۆەنالدىق پوليتسيا قىزمەتكەرىن, ۋچاسكەلىك پوليتسيا ينسپەكتورىن, جاقىن ماڭداعى جول-پاترۋلدىك پوليتسيا قىزمەتكەرىن جىبەرەمىز. پوليتسەيلەر دابىلدىڭ نە سەبەپتەن بەرىلگەنىن انىقتايدى. مەكتەپتەردە «سەرگەك» جۇيەسىنىڭ 100 كامەراسى ورناتىلدى», دەيدى ءنازيرا مولداشەۆا.
ونىڭ ايتۋىنا قاراعاندا, SOS دابىل تۇيمەسىنىڭ سانىن كوبەيتۋ جوسپارلانىپ وتىر.