پرەزيدەنت تاپسىرمالارىن ورىنداۋ ءۇشىن 2024 جىلعى جەلتوقساندا نارىقتىڭ اشىق جۇمىس ىستەۋ ەرەجەلەرىن ورناتۋ ءۇشىن باسەكەلەستىك ورتانى دامىتۋعا باعىتتالعان بيرجالىق ساۋدا تۋرالى زاڭ قابىلداندى, دەپ حابارلايدى Egemen.kz.
«الەۋمەتتىك ماڭىزى بار بيرجالىق تاۋار» ۇعىمى زاڭنامالىق تۇردە ەنگىزىلدى, ول ەنەرگەتيكالىق جانە ازىق-ت ۇلىك قاۋىپسىزدىگىن قامتاماسىز ەتۋ ءۇشىن شەشۋشى ماڭىزعا يە. بۇل الىپساتارلىقتى جويىپ, باعانى اشىق بەلگىلەۋگە جانە وتاندىق نارىقتى وسى تاۋارلارمەن تۇراقتى قامتاماسىز ەتۋگە كەپىلدىك بەرەدى», دەدى ساۋدا جانە ينتەگراتسيا ءمينيسترى ارمان شاققاليەۆ.
ۇكىمەتتىڭ ءباسپاسوز قىزمەتىنىڭ مالىمدەۋىنشە, ودان بولەك, الەۋمەتتىك ماڭىزى بار تاۋارلارمەن ساۋدانى جۇزەگە اسىرۋعا ۋاكىلەتتى بيرجالاردى كونكۋرستىق ىرىكتەۋ تەتىگى ەنگىزىلدى. بۇل اففيليرلەنگەن قۇرىلىمداردىڭ قۇرىلۋىن بولدىرمايدى جانە قاتىسۋشىلاردىڭ ساۋدا الاڭدارىنا تەڭ قول جەتكىزە الۋىنا كەپىلدىك بەرەدى.