دۇنيەجۇزىلىك دەنساۋلىق ساقتاۋ ۇيىمى (ددسۇ) مەن بىرىككەن ۇلتتار ۇيىمىنىڭ دۇنيەجۇزىلىك مەتەورولوگيالىق ۇيىمى اپتاپ ىستىقتا قىزمەتكەرلەردىڭ دەنساۋلىعىن ساقتاۋ ءۇشىن بۇكىل الەمدەگى جۇمىس بەرۋشىلەردى ەڭبەك جاعدايىن وزگەرتۋگە شاقىردى, دەپ حابارلايدى Egemen.kz.
ددسۇ مالىمەتىنشە دۇنيەجۇزىندە 2,4 ميللياردتان استام ادام قاتتى ىستىقتا جۇمىس ىستەيدى. سالدارىنان وندىرىستىك جاراقات ارتىپ, اۋرۋ-سىرقاۋ كوبەيگەن جانە ءومىر ءسۇرۋ ساپاسى ناشارلاعان.
«جۇمىسشىلاردى قاتتى ىستىقتان قورعاۋ – دەنساۋلىق ساقتاۋ سالاسىنىڭ ءبىرىنشى كەزەكتەگى مىندەتى عانا ەمەس, سونىمەن قاتار ەكونوميكالىق قاجەتتىلىك», - دەدى دۇنيەجۇزىلىك مەتەورولوگيالىق ۇيىم (دمۇ) باس حاتشىسىنىڭ ورىنباسارى كو باررەتت.
ددسۇ مەن دمۇ 20-دان استان ءاربىر گرادۋس ەڭبەك ونىمدىلىگىن 2-3%-عا تومەندەتەتىنىن جانە قىزمەتكەرلەردىڭ دەنساۋلىعىنا قاۋىپتى كۇشەيتەتىنىن انىقتادى.
ونىڭ مىناداي سالدارى بولۋى مۇمكىن:
ىستىق ءوتۋ; اعزانىڭ سۋسىزدانۋى; بۇيرەك فۋنكتسياسىنىڭ بۇزىلۋى; نەۆرولوگيالىق بۇزىلىس.جىلىنا 22,85 ميلليوننان استام ىستىقپەن بايلانىستى وندىرىستىك جاراقات تىركەلەدى.
دۇنيەجۇزىلىك دەنساۋلىق ساقتاۋ ۇيىمى ۇكىمەتتەرگە, جۇمىس بەرۋشىلەرگە جانە دەنساۋلىق ساقتاۋ ورگاندارىنا اپتاپ ىستىقتا دەنساۋلىق پەن ەڭبەك قاۋىپسىزدىگىن قورعاۋ ساياساتىن ازىرلەۋدى ۇسىنىپ وتىر. سونداي-اق حالىقتىڭ وسال توپتارىنا نازار اۋدارۋعا, قۇتقارۋشىلاردى, دارىگەرلەر مەن مەنەدجەرلەردى ىستىق ءوتۋدىڭ بەلگىلەرىن تانۋعا ۇيرەتۋگە جانە وسى سالاداعى زەرتتەۋلەر مەن باعالاۋدى قولداۋعا شاقىردى.