1983 جىلى اۋستراليالىق فەرمەر كليفف يانگ 61 جاسىندا العاش رەت 875 شاقىرىمدىق ۋلترامارافونعا قاتىسىپ, كاسىبي سپورتشىلاردى شاڭ قاپتىردى.
ول وسى قاشىقتىقتى 5 كۇن, 15 ساعات, 4 مينۋتتا جۇگىرىپ ءوتتى. جارىستى باياۋ باستاپ ارتتا قالىپ قويعانىمەن, كليفف تاۋلىگىنە التى ساعاتتىق ۇيقى ءۇزىلىسىن جاساماي قارسىلاستارىنان وزىپ وتىرعان. وسى ءتاسىل ارقىلى ول مارە سىزىعىن ءبىرىنشى بولىپ كەسىپ ءوتتى. ءوزىنىڭ ايتۋىنشا, كليفف كەيدە وتار قويدى باعىپ ءجۇرىپ, بىرنەشە كۇن قاتارىنان كوز ىلمەيدى ەكەن. ال بۇل تاجىريبە مارافوندا ايتارلىقتاي كومەگىن تيگىزىپ, ونىڭ اتىن الەمگە تانىتتى.