1980 جىلى اقش-تىڭ سولتۇستىك-باتىسىنداعى سەنت-حەلەنس جانارتاۋىنىڭ جويقىن اتقىلاۋى كەزىندە فوتوگراف روبەرت لاندسبۋرگ بىرنەشە اپتا بويى تابيعات وزگەرىستەرىن سۋرەتكە ءتۇسىرىپ جۇرگەن ەدى. 18 مامىر كۇنى توڭىرەكتى ءتۇتىن مەن وت شارپىعاندا, روبەرت قاشىپ قۇتىلا المايتىنىن تولىق تۇسىنگەن.
بىراق ول سوڭعى ساتىنە دەيىن ءوز جۇمىسىن توقتاتپاي, تۇسىرگەن كادرلارىن سومكەسىنە سالىپ, ءۇستىن ءوز دەنەسىمەن جاۋىپ ۇلگەرىپتى. 17 كۇننەن كەيىن قۇتقارۋشىلار روبەرتتىڭ دەنەسىن كۇل-توپىراق استىنان تاپقاندا, كامەراسى ءبۇتىن كۇيىندە ساقتالعان ەكەن. ال سۋرەتتەرى عالىمدارعا جانارتاۋدىڭ اتقىلاۋ بارىسىن زەرتتەۋگە تاپتىرماس دەرەك بولدى.