1940 جىلى شوتلانديانىڭ ەدينبۋرگ قالاسىندا «حايبەرنيان» مەن «حارتس» كوماندالارى اراسىندا شەشۋشى ماتچ ءوتۋى كەرەك ەدى. الايدا ويىن باستالعان ساتتە الاڭدى قالىڭ تۇمان باسىپ, BBC راديوسىنىڭ كوممەنتاتورى بوب كينگسلي ەشتەڭە كورە الماي قالدى.
سوعان قاراماستان, وعان ماتچتى تولىقتاي جۇرگىزۋ تاپسىرىلدى. ويتكەنى ەفير توقتاپ قالسا, ونى تىڭداپ وتىرعان نەمىس بارلاۋشىلارى كۇننىڭ تۇماندى ەكەنىن ءبىلىپ, قالانى بومبالاۋى مۇمكىن ەدى. جاعدايدى جاقسى تۇسىنگەن كينگسلي جانكۇيەرلەردىڭ ايقاي-شۋى ارقىلى عانا نە بولىپ جاتقانىن شامالاپ, بۇكىل ويىن بويى شابۋىلدار مەن گول سانىن ويدان قۇراستىرىپ وتىردى. تىڭدارماندار ەشتەڭە سەزبەي, تولىققاندى ماتچتىڭ كۋاسىندەي بولدى. ناتيجەسىندە, رەسمي ەسەپ بويىنشا ويىن 6:5 ەسەبىمەن «حارتستىڭ» جەڭىسىمەن اياقتالدى. بۇل وقيعا — راديوجۋرناليستيكانىڭ شەبەرلىگى مەن سوعىس جاعدايىنداعى تاپقىرلىقتىڭ جارقىن مىسالى رەتىندە ەستە قالدى.