قاسىم-جومارت توقاەۆ تاماش شۋيوكتى اۋليە يشتۆان كۇنىمەن قۇتتىقتادى, دەپ جازادى Egemen.kz اقوردانىڭ ءباسپاسوز قىزمەتىنە سىلتەمە جاساپ.
قازاقستان پرەزيدەنتى جەدەلحاتتا ەكى ەل اراسىنداعى ءداستۇرلى دوستىق پەن باۋىرلاستىققا نەگىزدەلگەن قارىم-قاتىناستىڭ قارقىندى دامىپ كەلە جاتقانىن اتاپ ءوتتى. سونىمەن قاتار بىرلەسكەن كۇش-جىگەر ارقىلى قازاقستان مەن ماجارستان اراسىنداعى ستراتەگيالىق سەرىكتەستىك قوس حالىقتىڭ يگىلىگى جولىندا وركەندەي بەرەتىنىنە سەنىم ءبىلدىردى.