ۇكىمەت وتىرىسىندا كولىك ءمينيسترى نۇرلان ساۋرانباەۆ مەملەكەت باسشىسىنىڭ تەمىرجول ينفراقۇرىلىمىن دامىتۋ جونىندە بەرگەن تاپسىرمالارىنىڭ جۇزەگە اسۋ بارىسى تۋرالى باياندادى, دەپ جازادى Egemen.kz.
ەلىمىزدە تەمىرجول جەلىسىنىڭ جالپى پايدالانۋ ۇزىندىعى - 16 مىڭ شاقىرىم. نۇرلان ساۋرانباەۆ تاسىمالداردىڭ تيىمدىلىگى مەن تۇراقتىلىعىن ارتتىرۋ ءۇشىن 2029 جىلعا دەيىن 5 مىڭ شاقىرىم جاڭا جول قۇرىلىسىن سالۋ مەن جاڭعىرتۋ جۇمىستارىن جۇرگىزۋ جوسپارلانىپ وتىرعانىن ايتتى.
سونىمەن قاتار, 11 مىڭ شاقىرىم جولدا جوندەۋ جۇمىستارى قارقىندى. ال 5 جوبا بويىنشا جاڭادان قۇرىلىس جۇمىستارى ءجۇرىپ جاتىر. ولار – «دوستىق – مويىنتى», «داربازا – ماقتاارال», «مويىنتى – قىزىلجار» «باقتى – اياگوز» ۋچاسكەلەرى جانە «الماتى اينالما تەمىرجولى».بيىل مەرزىمىنەن بۇرىن ەكى ءىرى جوبا «دوستىق – مويىنتى» ۋچاسكەسى جانە «الماتى اينالما تەمىرجولى» اياقتالادى.كەلەسى جىلى «مويىنتى – قىزىلجار» جانە «داربازا – ماقتاارال» جاڭا تەمىرجولدارىن ىسكە قوسۋ جوسپارلانعان. سونىمەن بىرگە, بيىلدان باستاپ 3 مىڭ شاقىرىمدىق تەمىرجول ۋچاسكەلەرىندە كەڭ اۋقىمدى جاڭعىرتۋلار باستالدى.
«بۇل جۇمىستاردى جاڭا جولداردى سالۋمەن بىردەي دارەجەدە قاراستىرۋعا بولادى. مىسالى, «قىزىلجار – سەكسەۋىل» ۋچاسكەسىنىڭ وتكىزۋ قابىلەتى 8 پويىزدان 25 پويىزعا دەيىن, ال «قاندىاعاش – توبىل» 7-دەن 25-كە دەيىن ارتادى. بۇگىنگى كۇندە اتالعان جوبالار قازاقستاننىڭ تەمىرجول نەگىزىن تولىعىمەن قالىپتاستىرادى دەپ ايتۋعا بولادى», دەدى نۇرلان ساۋرانباەۆ.