ەلوردادا ۇلى دالا داڭعىلى مەن تولە بي كوشەسىنىڭ قيىلىسىندا سۋ قۇبىرى, نوسەر جانە شارۋاشىلىق-تۇرمىستىق كاناليزاتسيا جەلىلەرىن تارتۋ جۇمىسىن جۇرگىزەدى, دەپ حابارلايدى Egemen.kz.
بۇل تۋرالى استانا قالاسىنىڭ كولىك جانە كولىك ينفراقۇرىلىمىن دامىتۋ باسقارماسى مالىمدەدى.
اتالعان جۇمىس "ر.باعلانوۆا كوشەسىنەن ۇلى دالا داڭعىلىنا دەيىن ە-51 كوشەسىن سالۋ" جوباسى اياسىندا جۇزەگە اسىرىلادى.
وسىعان بايلانىستى 15 مەن 26 تامىز ارالىعىندا اتالعان ۋچاسكەدە قوزعالىس ءىشىنارا جابىلاتىن بولادى. وسى ۋاقىتتا كولىك قوزعالىسى ەكى باعىتتا ءبىر جاعىنان كەزەڭ-كەزەڭىمەن ۇيىمداستىرىلادى.
ەلوردا تۇرعىندارى مەن قوناقتارى قالا جولدارىندا كەپتەلىس تۋدىرماس ءۇشىن قوزعالىس باعىتىن الدىن الا جوسپارلاۋى قاجەت.