تانىمال ايتىسكەر اقىن ورازالى دوسبوسىنوۆتىڭ ۇلى نۇرسۇلتان الەۋمەتتىك جەلىدەگى پاراقشاسىندا جان تەبىرەنتەرلىك جازبا قالدىردى. ول اتا-اناسىن قاتتى ساعىناتىنىن ايتىپ, جاڭا شىعارماشىلىق جولعا بەت بۇرعانىن مالىمدەدى, دەپ حابارلايدى Egemen.kz.
«مەن – ورازالى دوسبوسىنوۆ پەن اجار تۇزەلەكقىزىنىڭ ۇلى, نۇرسۇلتان دوسبوسىنوۆ. قازىر NRS دەگەن اتپەن رەپ جانرىندا ءوزىمدى سىناپ ءجۇرمىن. تىڭدارماندارىمدى قۋانتىپ, جاڭا تۋىندىلار ۇسىنۋعا نيەتتىمىن. سونىمەن قاتار بلوگ جۇرگىزىپ, ءومىرىمنىڭ ماڭىزدى ساتتەرىمەن ءبولىسىپ وتىرماقپىن. قولداۋ ءبىلدىرىپ, بىرگە بولايىق», – دەپ جازدى ول.
نۇرسۇلتان دوسبوسىنوۆ قازىر ءوزىن رەپ ورىنداۋشى رەتىندە NRS اتىمەن تانىتىپ, شىعارماشىلىعىن دامىتىپ جاتىر. ول الەۋمەتتىك جەلى ارقىلى تىڭدارمان قاۋىمىمەن بايلانىس ورناتىپ, جاڭا باعىتتاعى ونەرىن تانىستىرۋدى ماقسات ەتكەن.
نۇرسۇلتاننىڭ ايتۋىنشا, ول اكە-شەشەسىن قاتتى ساعىنادى. سوندىقتان دا ولاردىڭ كوزىن كورگەن اعايىن-تۋىس, اعا-اپكەلەرىنە اماندىق تىلەگەن.
جەلى قولدانۋشىلارى جاس ونەر يەسىنە جىلى لەبىزدەرىن ءبىلدىرىپ, اتا جولىن جالعاستىرعانىنا قۋانىشتى ەكەنىن جازىپ جاتىر. كوپشىلىگى نۇرسۇلتاننىڭ ونەرىن قولداپ, تىڭدارماندار قاتارىن ارتتىرۋعا نيەتتى.