قىركۇيەك پەن قازاندا قانداي قوسىمشا دەمالىس بار؟

كونستيتۋتسيا كۇنى بيىل 30 تامىزدا, سەنبىگە تۇسەدى. سوندىقتان مەرەكەلىك دەمالىس دۇيسەنبى, 1 قىركۇيەككە اۋىستىرىلىپ, بەس كۇندىك جۇمىس اپتاسىنداعىلار ءۇش كۇن قاتارىنان 30, 31 تامىز جانە 1 قىركۇيەكتە دەمالادى. ال التى كۇندىك جۇمىس كەستەسىمەن ىستەيتىندەر 30 جانە 31 تامىزدا عانا تىنىعىپ, 1 قىركۇيەكتە جۇمىسقا شىعادى. ەكىنشى ۇزاق دەمالىس قازاندا بولادى.

رەسپۋبليكا كۇنى 25 قازان دا سەنبىگە سايكەس كەلگەندىكتەن, بەس كۇندىك جۇمىس اپتاسىنداعىلار 25, 26 جانە 27 قازاندا دەمالادى. ال التى كۇندىك جۇمىس رەجىمىندەگىلەر 25 جانە 26 قازاندا دەمالىپ, 27 قازاندا جۇمىس ىستەيدى.

مەكتەپتەردە وقۋ جىلى 2 قىركۇيەك, سەيسەنبى كۇنى باستالادى. ءبىلىم ءمينيسترى عاني بەيسەمباەۆتىڭ ايتۋىنشا, سالتاناتتى جيىننىڭ ناقتى كۇنىن ءار مەكتەپ ءوز پەداگوگيكالىق كەڭەسىندە بەلگىلەيدى, سوندىقتان كەيبىر ءبىلىم وردالارى العاشقى جيىندى 1 قىركۇيەكتە وتكىزۋى مۇمكىن.