ساياق ستانتسياسىندا بالكا سىنىپ, جۇمىسشىلاردىڭ ۇستىنە قۇلاعان

الەۋمەتتىك جەلىدە تاراعان بەينەجازبادان اۋىر كونسترۋكتسيانىڭ قۇلاعان ساتىنەن كەيىن, جەردە سۇلاعان ەكى ادامنىڭ جاتقانىن كورۋگە بولادى.

ۇلتتىق كومپانيانىڭ ءباسپاسوز قىزمەتى مالىمدەگەندەي, بۇل ۋچاسكەدەگى قۇرىلىس جۇمىستارىن مەردىگەر ۇيىم – «تجج» جشس جۇرگىزىپ جاتىر. زارداپ شەككەندەر قتج قىزمەتكەرلەرى ەمەس.

«قۇرىلىس-مونتاج جۇمىستارى بارىسىندا بالكا سىنىپ, تەمىرجولعا قۇلادى. اۆتوكوپىر قۇرىلىسىندا ەڭبەك ەتكەن جۇمىسشىلار قتج-نىڭ شتاتتىق قىزمەتكەرلەرى ەمەس», دەپ ناقتىلادى كومپانيا وكىلدەرى.

زارداپ شەككەندەردىڭ جاعدايى تۋرالى رەسمي مالىمەت ازىرگە جاريالانعان جوق. «تجج» جشس وكىلدەرى وقيعاعا قاتىستى پىكىر بەرۋدەن باس تارتىپ, تەك رەسمي ساۋال جولداۋدى سۇراعان.