«Starlink» ىسكە قوسىلدى

تسيفرلىق دامۋ, يننوۆاتسيالار جانە اەروعارىش ونەركاسىبى مي­نيسترلىگىنىڭ مالىمەتىنشە, ەندى ەلى­مىزدىڭ تۇرعىندارى «SpaceX» كومپانياسىنا تيەسىلى تومەن وربيتالىق سپۋتنيكتەر جەلىسى ارقىلى جوعارى جىلدامدىقتى جانە سەنىمدى ينتەرنەتكە قوسىلا الادى.

ەسكە سالا كەتسەك, وسى جىلدىڭ 12 ماۋ­سىمىندا تسيفرلىق دامۋ, يننوۆاتسيالار جانە اەروعارىش ونەركاسىبى مينيسترلىگى مەن «Starlink» كومپانياسى قىزمەت كورسەتۋ كەزىندە قازاقستان زاڭناماسىن ساقتاۋدى مىندەتتەيتىن كەلىسىمگە قول قويعان ەدى.

«Starlink» تەحنولوگياسى شالعاي وڭىرلەردە دە تۇراقتى قوسىلىمدى قامتاماسىز ەتىپ, حالىققا زاماناۋي تسيفرلىق سەرۆيستەردى پايدالانۋعا مۇمكىندىك بەرەدى. «Starlink» قىزمەتىنىڭ ايلىق ءتاريفى 23 مىڭ تەڭگە­دەن باستالادى, ال تەرمينالدىڭ باعاسى شامامەن 104 مىڭ تەڭگە. بۇل تۋرالى تسيفرلىق دامۋ, يننوۆاتسيالار جانە اەروعارىش ونەركاسىبى ۆيتسە-ءمينيسترى دوسجان مۇساليەۆ «Jibek Joly» تەلەارناسىنىڭ «بۇگىن LIVE» باعدارلاماسىندا ايتتى.

«تاريفتەر مەن قۇرىلعى باعاسى قول­دانۋ تۇرى­نە بايلانىستى وزگەرەدى. «Starlink» قىز­مەتى جەكە تۇلعالارمەن قا­تار بيز­نەس ءۇشىن دە قولجەتىمدى», دەدى ول.

ۆيتسە-مينيستر ەل اۋماعىنىڭ كەڭدىگىنە بايلانىستى بارلىق ءوڭىردى كابەلدىك ينتەرنەتپەن تولىق قامتۋ مۇمكىن ەمەستىگىن, سوندىق­تان سپۋتنيكتىك بايلانىس – ەڭ ءتيىم­دى شەشىمدەردىڭ ءبىرى ەكەنىن اتاپ ءوتتى. قازىرگى تاڭدا ەل اۋماعى تۇگەل­دەي دەرلىك «Starlink» جەلىسىمەن قامتىل­عانىمەن, شەكاراعا جاقىن كەيبىر ايماقتاردا سيگنالدىڭ السىرەۋى مۇمكىن ەكەنىن دە ەسكەرتتى.

امەريكالىق كاسىپكەر يلون ماسك نەگىزىن قالاعان «SpaceX» كومپانياسىنىڭ سپۋتنيك­تىك ينتەرنەتى بۇگىندە الەمنىڭ كوپ­تەگەن ەلىندە قولدانىلادى. «Starlink» دەپ اتالاتىن بۇل عالامدىق جۇيە شالعايداعى اۋىلداردى, اشىق تەڭىزدەگى كەمەلەردى ينتەرنەتپەن قامتاماسىز ەتۋگە جانە اۆتوكراتيالىق ەلدەردە اقپاراتتى تسەنزۋراسىز تاراتۋعا ارنالعان. وسى ماقساتتا كومپانيا جەردىڭ تومەنگى وربيتاسىنا شامامەن 2 300 سپۋتنيك ۇشىرعان.