مەملەكەت باسشىسىنىڭ تاپسىرماسىنا سايكەس 2023 جىلدان باستاپ مەكتەپكە دەيىنگى ۇيىمداردا «قۇزىرەتتىلىك ورتالىقتارى» پيلوتتىق جوباسى ىسكە قوسىلىپ, وزىق پەداگوگيكالىق تاجىريبەنى ەنگىزۋ, تاربيەشىلەردىڭ بىلىكتىلىگىن ارتتىرۋ جانە اتا-انالار, پەداگوگتار مەن مەكتەپكە دەيىنگى ۇيىمدار اراسىنداعى ىنتىماقتاستىقتى نىعايتۋ الاڭىنا اينالدى, دەپ حابارلايدى Egemen.kz.
ەلىمىزدە 330 قۇزىرەتتىلىك ورتالىعى جۇمىس ىستەيدى, ونىڭ 180-ءى قالالاردا, 150-ءى اۋىلدىق جەرلەردە ورنالاسقان.
وقۋ-اعارتۋ مينيسترلىگىنىڭ مالىمەتىنشە مەكتەپكە دەيىنگى جانە ورتا ءبىلىم بەرۋ باعدارلامالارىن ۇيلەستىرۋ ماقساتىندا 202 قۇزىرەتتىلىك ورتالىعى تىرەك مەكتەپكە دەيىنگى ۇيىمدار مارتەبەسىنە اۋىستىرىلىپ, تىرەك مەكتەپتەرگە بەكىتىلدى. بالاباقشالار, كەڭەس بەرۋ پۋنكتتەرى جانە مەكتەپتەر اراسىنداعى ءوزارا ءىس-قيمىلدىڭ قادامدىق جوسپارى ازىرلەنگەن, بۇل – وقۋ-تاربيە پروتسەسىندە ساباقتاستىقتى قامتاماسىز ەتۋگە مۇمكىندىك بەرەدى.
قۇزىرەتتىلىك ورتالىقتارى بالالاردىڭ قىزىعۋشىلىقتارىن ەسكەرە وتىرىپ, ترانسفورماتسيالاناتىن پاندىك-دامىتۋ ورتاسىن جاسايدى, ءبىلىم بەرۋ پروتسەسىن ويىن تۇرىندە ۇيىمداستىرادى جانە تىرەك مەكتەپتەرمەن ءتيىمدى ءوزارا ءىس-قيمىل ورناتادى.
«قۇزىرەتتىلىك ورتالىقتارى جەلىسىن دامىتۋ – مەكتەپكە دەيىنگى ءبىلىم بەرۋدى جاڭعىرتۋدىڭ ماڭىزدى قادامى. بۇل بالالارعا ساپالى, يكەمدى جانە زاماناۋي مەكتەپكە دايارلىقتى قامتاماسىز ەتۋگە, ال پەداگوگتارعا – جاڭا ءبىلىم الىپ, ۇزدىك تاجىريبەلەرمەن بولىسۋگە مۇمكىندىك بەرەدى», دەپ اتاپ ءوتتى مەكتەپكە دەيىنگى ءبىلىم بەرۋ دەپارتامەنتىنىڭ ديرەكتورى مانارا اداموۆا.