مادەنيەت جانە اقپارات مينيسترلىگىنىڭ ۇيىتقى بولۋىمەن ۇلتتىق اكادەميالىق كىتاپحانادا «اباي جولى» كەيىپكەرلەرى جانە اباي», «اباي. ستيحي ي پوەمى» اتتى جاڭا كىتاپتاردىڭ تۇساۋكەسەر ءراسىمى ۇيىمداستىرىلدى, دەپ جازادى Egemen.kz.
مادەني شاراعا قوعام قايراتكەرلەرى, ابايتانۋشىلار, ادەبيەتتانۋشىلار مەن اقىن-جازۋشىلار قاتىستى.
جازۋشى الماحان مۇحامەتقاليقىزىنىڭ «اباي جولى» كەيىپكەرلەرى جانە اباي» ەڭبەگى رومانداعى كەيىپكەرلەردىڭ تۋىستىق, تاريحي, رۋلارمەن بايلانىسىن جۇيەلى تۇردە تالداي وتىرىپ, كوركەم وبرازدار مەن تاريحي تۇلعالاردىڭ بايلانىسىن زەردەلەيدى. كىتاپ ۇستازدار مەن ستۋدەنتتەرگە جانە وقۋشىلارعا كومەكشى قۇرال رەتىندە ۇسىنىلادى.سونىمەن قاتار اقىن-اۋدارماشى ورىنباي جانايداردىڭ «اباي. ستيحي ي پوەمى» جيناعىندا ۇلى اقىن اباي قۇنانباي ۇلىنىڭ تاڭداۋلى ولەڭدەرى مەن پوەمالارى ورىس تىلىندە جاريالانعان. جاڭا باسىلىم ۇلى اقىننىڭ مۇراسىن كوپشىلىككە ناسيحاتتاۋعا باعىتتالعان.اتالعان كىتاپتار مەملەكەتتىك تاپسىرىس ارقىلى 3000 دانامەن جارىق كورگەن. جاڭا كىتاپتار رەسپۋبليكاداعى كىتاپحانالارعا تاراتىلادى.