شىعىس قازاقستان ءوڭىردى ءدارى-دارمەكپەن قامتاماسىز ەتۋ جۇيەسىن ورنىقتى ءارى جوعارى تەحنولوگيالىق تالاپقا ساي دامىتۋدا ماڭىزدى قادام جاسالدى. كەشە وسكەمەندە «مەدسەرۆيس پليۋس» كومپانياسىنىڭ زاماناۋي فارماتسەۆتيكالىق لوگيستيكا حابى اشىلدى, دەپ جازادى Egemen.kz.
7 000 شارشى مەتر اۋماقتى الىپ جاتقان ا+ ساناتىنداعى جاڭا حابتا 4 000 استام پاللەتكە ورىن بار. اشىلۋ سالتاناتىندا ءسوز العان ساراپشىلار ونىڭ ء«ىرى جانە جوعارى حالىقارالىق تالاپتارعا ساي كەلەتىن وڭىردەگى مەيلىنشە تەحنولوگيالىق فارماتسەۆتيكا قويماسى» ەكەنىن ايتتى. جوباعا سالىنعان جالپى ينۆەستيتسيا كولەمى — 4,4 ملرد تەڭگە. پاندەميا جانە جاھاندىق تۇراقسىزدىق سياقتى كۇردەلى جاعدايلارعا قاراماستان, كومپانيا الىستان ويلايتىنىن, ورنىقتىلىق پەن الەۋمەتتىك جاۋاپكەرشىلىكتى پاش ەتىپ, جوبانى ءساتتى جۇزەگە اسىردى.
جاڭا نىساندا قازىردىڭ وزىندە 100-دەن استام جوعارى بىلىكتىلىكتى قاجەت ەتەتىن جۇمىس ورنى اشىلدى. مۇندا لوگيستيكا جانە ساپا جونىندەگى ماماندار مەن فارماتسەۆتەر — شىعىس قازاقستاندا فارماتسەۆتيكا سالاسىنىڭ جاڭا ورتاسىن قالىپتاستىراتىن كاسىبي ماماندار جۇمىس ىستەيدى.
«كفك «مەدسەرۆيس پليۋس» جشس جوبانى جۇزەگە اسىرۋ بارىسىندا «ەرتىس» الەۋمەتتىك-كاسىپكەرلىك كورپوراتسياسىمەن ارىپتەستىك ورناتىپ, شىعىس قازاقستان وبلىسى اكىمدىگىنىڭ قولداۋىنا سۇيەندى.
«وسكەمەندە فارماتسەۆتيكا حابىن اشۋ كوپتەگەن تاراپتىڭ ۇلەسىمدى جۇمىس ىستەۋىنىڭ ارقاسىندا جۇزەگە استى: اركىم ءوز ۇلەسىن قوستى. شقو اكىمدىگىنە, «ەرتىس» اكك مەن «التىنبانككە» ايرىقشا العىس ايتامىز. ءبىزدىڭ كومپانيا ءۇشىن ءار ادامنىڭ ءومىرى ماڭىزدى, سوندىقتان دا قازاقستاننىڭ شىعىس وڭىرىندە ستراتەگيالىق تۇرعىدان ءمانى زور ءارى الەۋمەتتىك ماڭىزى بار نىسان اشۋعا تىرىستىق. مەملەكەت باسشىسى فارماتسەۆتيكا سالاسىن دامىتۋ «ەلدىڭ باسەكەگە قابىلەتتى بولۋى مەن قاۋىپسىزدىگى جولىنداعى ماڭىزدى فاكتور» ەكەنىن ايتقان ەدى, سوندىقتان دا ءبىز ەكونوميكالىق جاعدايعا قاراماستان ەلىمىزگە ينۆەستيتسيا سالۋدى جانە تارتۋدى, جاڭا تەحنولوگيالاردى پايدالانۋدى جانە وتاندىق ءوندىرىستى دامىتۋدى جالعاستىرامىز», دەيدى «مەدسەرۆيس پليۋس» كومپانياسىنىڭ باسقارما توراعاسى جانات ۋماروۆ.
ال شىعىس قازاقستان وبلىسى اكىمىنىڭ ءبىرىنشى ورىنباسارى جاقسىلىق وماردىڭ ايتۋىنشا, بۇل جوبا - اتالمىش وبلىستىڭ بولاشاققا سەنىمدى قادام جاساعانىن كورسەتەدى.
«بۇگىن ءبىز ماڭىزدى وقيعانىڭ كۋاسى بولدىق — وڭىردە «مەدسەرۆيس پليۋس» كومپانياسىنىڭ زاماناۋي فارماتسەۆتيكالىق ۇلەستىرۋ حابى اشىلدى. بۇل جوبا شىعىس قازاقستاننىڭ تەحنولوگيالىق, ورنىقتى جانە جاۋاپكەرشىلىككە قۇرىلعان بولاشاققا سەنىمدى قادام جاساعانىن كورسەتەدى», دەدى ايماق باسشىسىنىڭ ءبىرىنشى ورىنباسارى.
ايتا كەتەيىك, «مەدسەرۆيس پليۋس» قازاق فارماتسەۆتيكا كومپانياسى» جشس الەمدەگى 320-دان استام ءدارى-دارمەك وندىرۋشىمەن جۇمىس ىستەيدى.
كومپانيا پورتفەلىندە 7 900-دەن استام ءونىم اتاۋى بار, بۇكىل ەل كولەمىندە 14 فيليالى ورنالاسقان جانە 1 500-دەن استام قىزمەتكەر جۇمىس ىستەيدى. «مەدسەرۆيس پليۋس» بەلسەندى تۇردە زاماناۋي تسيفرلىق جانە لوگيستيكا شەشىمدەرىن ەنگىزەدى (ERP SAP HANA, GxP, سەريليزاتسيا), ESG پرينتسيپتەرىن قاتاڭ ساقتايدى جانە ەلىمىزدىڭ فارماتسەۆتيكا سالاسىنىڭ دامۋىنا ايتارلىقتاي ۇلەس قوسىپ كەلەدى. كومپانيانىڭ كەيىنگى 10 جىلداعى جالپى ينۆەستيتسيا كولەمى 18 ملرد تەڭگەدەن استى, وسى ۋاقىت ىشىندە 20 ملرد تەڭگەنىڭ ۇستىندە سالىق تولەدى. كومپانيا ونەركاسىپ الاڭىن دامىتۋدى جالعاستىرىپ كەلەدى, سونىڭ ىشىندە شەتەلدىك ينۆەستورلاردى تارتقان جوبالار دا بار.