الماتىدا قازاقستان رەسپۋبليكاسىنىڭ مەملەكەتتىك كەڭەسشىسى ەرلان قاريننىڭ توراعالىعىمەن «قازاقستان تاريحى: ەجەلگى داۋىردەن بۇگىنگە دەيىن» اتتى جەتى تومدىق اكادەميالىق باسىلىمدى ازىرلەۋگە قاتىستى رەداكتسيا القاسىنىڭ كەزەكتى وتىرىسى ءوتتى.
جيىندا رەداكتسيا القاسى ءبىرىنشى تومدى بەكىتىپ, ونى باسىپ شىعارۋعا ازىرلەۋ تۋرالى ورتاق شەشىم قابىلدادى.
سونىمەن قاتار رەداكتسيا القاسى اكادەميالىق باسىلىمنىڭ ەكىنشى تومىنىڭ مازمۇنىن تالقىلادى.
اۆتورلار ۇجىمىنىڭ جەتەكشىسى, تاريح عىلىمدارىنىڭ دوكتورى, ۇلتتىق عىلىم اكادەمياسىنىڭ اكادەميگى بولات كومەكوۆ باسىلىمنىڭ تۇجىرىمداماسى, مازمۇنى جانە قۇرىلىمى تۋرالى بايانداپ, «تۇرىك ءداۋىرى» دەپ اتالاتىن ەكىنشى تومنىڭ ەرەكشەلىكتەرى مەن جاڭالىقتارىن اتاپ ءوتتى. ۇلتتىق عىلىم اكادەمياسىنىڭ اكادەميكتەرى مامبەت قويگەلديەۆتىڭ, ورازاق سماعۇلوۆتىڭ, تاريح عىلىمدارىنىڭ دوكتورلارى ەركىن ءابىلدىڭ, ايبولات كوشكىمباەۆتىڭ, گالينا كسەنجيكتىڭ رەتسەنزياسى تىڭدالدى. سونداي-اق مەرۋەرت ابۋسەيىتوۆا, بۇركىتباي اياعان, ايگۇل سادۋاقاسوۆا, جاقسىلىق ءسابيتوۆ, راديك تەمىرعاليەۆ, ديحان قامزابەك ۇلى, اقان وڭعار, كۇلعازيرا بالتاباەۆا, نۇرسان ءالىمباي, زيابەك قابىلدينوۆ, جاكەن تايماعامبەتوۆ سياقتى رەداكتسيا القاسىنىڭ وزگە مۇشەسى دە ءوز ويىن ورتاعا سالدى.
جيىن سوڭىندا رەداكتسيالىق القا «قازاقستان تاريحى: ەجەلگى داۋىردەن بۇگىنگە دەيىن» اتتى جەتى تومدىق اكادەميالىق باسىلىمنىڭ ەكىنشى تومىن جەتىلدىرۋ جۇمىسىن جالعاستىرۋ تۋرالى جانە كەلەسى وتىرىستا باسىلىمنىڭ ءۇشىنشى تومىن قاراستىرۋ جونىندە شەشىم قابىلدادى.