قازاقستاندا مۋزەي مادەنيەتىنە دەگەن قىزىعۋشىلىق ارتىپ كەلەدى. 2026 جىلدىڭ العاشقى ءۇش ايىنىڭ قورىتىندىسى بويىنشا ەل مۋزەيلەرىن 822 791 ادام تاماشالاعان. بۇل سالاداعى جۇيەلى جۇمىستىڭ ناتيجەسى جانە حالىقتىڭ مادەنيەتكە بەتبۇرىسىنىڭ ايقىن كورىنىسى, دەپ جازادى Egemen.kz.
مۇنداي كورسەتكىشكە مۋزەي ينفراقۇرىلىمىن دامىتۋ, ەكسپوزيتسيالاردى جاڭارتۋ جانە زاماناۋي فورماتتاردى ەنگىزۋ ارقىلى قول جەتكىزىلدى. اسىرەسە جاستار مەن تۋريستەرگە ارنالعان جاڭا جوبالار كەلۋشىلەر اعىنىن ارتتىرۋعا ىقپال ەتىپ وتىر.
بۇگىندە رەسپۋبليكا اۋماعىندا 285 مۋزەي جۇمىس ىستەيدى. ولاردىڭ قاتارىندا 5 رەسپۋبليكالىق مۋزەي, 12 مۋزەي-قورىق, 15 وڭىرلىك تاريحي-ولكەتانۋ مۋزەيى, 71 مەموريالدىق, 16 كوركەمونەر مۋزەيى جانە قالالىق, اۋداندىق, اۋىلدىق دەڭگەيدەگى مادەني مەكەمەلەر بار.
مەملەكەتتىك قىزمەت مۋزەيى قۇرىلدى
مادەنيەت جانە اقپارات مينيسترلىگىنىڭ مالىمەتىنشە, مۋزەيلەر تەك ساقتاۋ ورنى عانا ەمەس, سونىمەن قاتار اعارتۋشىلىق جانە تانىمدىق ورتالىققا اينالىپ كەلەدى. جىل باسىنان بەرى ەلىمىزدە 1219 كورمە ۇيىمداستىرىلىپ, جاڭا ەكسپوزيتسيالار مەن تاقىرىپتىق زالدار اشىلدى. سونىمەن قاتار 4200-دەن استام مادەني-اعارتۋشىلىق ءىس-شارا وتكىزىلگەن. ولاردىڭ ىشىندە دارىستەر, ەكسكۋرسيالار, ءبىلىم بەرۋ باعدارلامالارى جانە ينتەراكتيۆتى جوبالار بار.
سالادا ءىرى كورمە جوبالارىن جۇزەگە اسىرۋ جانە حالىقارالىق ىنتىماقتاستىقتى كەڭەيتۋ باعىتىندا دا جۇيەلى جۇمىس جۇرگىزىلىپ جاتىر. 2026 جىلدىڭ العاشقى توقسانىندا رەسپۋبليكالىق جانە حالىقارالىق دەڭگەيدە 28 ماڭىزدى جوبا ىسكە اسىرىلعان. بۇل جوبالار ەلىمىزدىڭ تاريحى مەن مادەنيەتىن كەڭىنەن تانىستىرۋعا باعىتتالعان.
ۇلتتىق ورتالىق مۋزەيدە ايرىقشا سۋرەت كورمەسى اشىلدى
قازاقستان مۋزەيلەرى شەتەلدىك ارىپتەستەرمەن دە بەلسەندى بايلانىس ورناتىپ وتىر. وسى كەزەڭدە 26 حالىقارالىق كورمە, فەستيۆال جانە سالالىق فورۋمعا قاتىسقان. بۇل ءوز كەزەگىندە حالىقارالىق تاجىريبە الماسۋعا, جاڭا جوبالاردى دامىتۋعا جانە بىرلەسكەن باستامالاردى جۇزەگە اسىرۋعا مۇمكىندىك بەردى.
جالپى العاندا, مۋزەي سالاسىنىڭ دامۋى ۇلتتىق مادەني مۇرانى ساقتاۋ مەن ناسيحاتتاۋدىڭ ماڭىزدى تەتىگىنە اينالىپ وتىر. قازىرگى كورسەتكىشتەر قازاقستاندا مۋزەي مادەنيەتىنىڭ جاڭا دەڭگەيگە كوتەرىلىپ كەلە جاتقانىن كورسەتەدى.
جاڭارعان مۋزەي – جاڭعىرعان تاريح