شەرزات پولاتتىڭ ولىمىنە قاتىستى ءىس بويىنشا سوتتالعاندار كاسساتسيالىق شاعىم ءتۇسىرىپ, تولىق اقتاۋدى تالاپ ەتتى. بۇل تۋرالى جابىرلەنۋشى تاراپتىڭ مۇددەسىن قورعايتىن ادۆوكات مەيىرمان شەكەەۆ مالىمدەدى, دەكپ حابارلايدى Egemen.kz.
ادۆوكاتتىڭ ايتۋىنشا, شاعىمدى ازامات توقتاۋباەۆ پەن ديدار قالياحمەتوۆ تۇسىرگەن. ەكەۋى دە سوت ۇكىمىمەن كەلىسپەي, وزدەرىن كىناسىز دەپ تانۋدى سۇراپ وتىر.
«شەرزات ءىسى بويىنشا كاسساتسيالىق شاعىمدار ءتۇستى. الايدا ولارمەن تولىق تانىسۋ مۇمكىندىگى بىزدە ەندى عانا پايدا بولدى. سوت وتىرىسى ەرتەڭگە, ياعني 7 ساۋىرگە بەلگىلەنگەن», دەدى قورعاۋشى.
ەسكە سالايىق, 2025 جىلدىڭ مامىر ايىندا سوت ۇكىمى شىعىپ, ازامات توقتاۋباەۆ 15 جىلعا, ال ديدار قالياحمەتوۆ 7 جىلعا باس بوستاندىعىنان ايىرىلعان ەدى.
شەرزات پولات ءىسى بويىنشا ۇكىم شىعاتىن كۇن بەلگىلى بولدى
ەسكە سالايىق, قايعىلى وقيعا 2024 جىلعى 4 قازانعا قاراعان ءتۇنى تالعار قالاسىندا بولعان. 16 جاستاعى شەرزات پولات اكەسىنە دۇكەندە كومەكتەسىپ جۇرگەن كەزدە, اگرەسسيۆتى ساتىپ الۋشىمەن جانجال تۋىنداعان. كەيىن الگى ادام تانىستارىن شاقىرىپ, ولار كەلىپ شەرزاتتى, ونىڭ اكەسى مەن اعاسىن اياۋسىز سوققىعا جىعىپ, پىشاق پەن مىلتىق قولدانعان.
شەرزات پولاتتىڭ ولىمىنە كىنالىلەر راقىمشىلىققا ىلىنە مە؟
2025 جىلعى 5 شىلدەدە سوت 9 ايىپتالۋشىعا ۇكىم شىعاردى. تەرگەۋ نۇسقاسى بويىنشا, نەگىزگى ايىپتالۋشى ابزال شىناسىل شەرزاتقا ولىمگە اكەلگەن پىشاق جاراقاتىن سالعان. ول 23 جىلعا باس بوستاندىعىنان ايىرىلدى.
سونداي-اق راۆيل ساكيەۆ 20 جىلعا سوتتالدى. ازامات توقتاۋباەۆ بۇرىنعى سوتتىلىعىن ەسكەرە وتىرىپ 15 جىلعا, نۇرقياس ءىلياسوۆ 9 جىلعا كەسىلدى.
ال شىڭعىس بەلگوجاەۆ, دارحان اسكەنتاي, نۇربول توقتاۋباەۆ جانە ديدار قالياحمەتوۆتىڭ ارقايسىسى 7 جىلدان جازا العان.
كامەلەتكە تولماعان ايىپتالۋشى 1 جىل 6 ايعا سوتتالىپ, كەيىن بۇلتارتپاۋ شاراسى وزگەرتىلىپ, 25 شىلدەدە بوستاندىققا شىققان.
وتكەن جىلدىڭ تامىز ايىندا اپەللياتسيالىق سوت القاسى 8 سوتتالعانعا قاتىستى ۇكىمدى وزگەرىسسىز قالدىرعان ەدى. ەندى ءىس كاسساتسيالىق ساتىدا قايتا قارالماق.
شەرزات پولات ءىسى بويىنشا سوتتالعاندار اپەللياتسيالىق شاعىم ءتۇسىردى