2025 جىلى قازاقستانداعى ءبىلىم بەرۋ سالاسىندا ءبىر قىزمەتكەردىڭ ورتاشا ايلىق جالاقىسى 322,7 مىڭ تەڭگەنى قۇرادى. بۇل كورسەتكىش وتكەن جىلمەن سالىستىرعاندا 6,8%-عا جوعارىلاعانىمەن, ينفلياتسيانى ەسەپكە العاندا ناقتى تابىس 4,1%-عا تومەندەگەنى بايقالادى, دەپ حابارلايدى Egemen.kz.
ستراتەگيالىق جوسپارلاۋ جانە رەفورمالار اگەنتتىگى ۇلتتىق ستاتيستيكا بيۋروسىنىڭ مالىمەتىنە سايكەس, 2023 جىلدان بەرى ءبىلىم بەرۋ سالاسىنداعى ناقتى جالاقى تۇراقتى تۇردە تومەندەپ كەلەدى. ءار جىل سايىن بۇل تومەندەۋ قارقىنى كۇشەيىپ وتىر, ياعني قازىرگى جاعداي الدىڭعى جىلدارمەن سالىستىرعاندا الدەقايدا ايقىن بايقالادى. جالپى العاندا, ءبىلىم سالاسىنداعى احۋال ەل ەكونوميكاسىمەن سالىستىرعاندا ءبىرشاما السىزدەۋ سيپات الىپ وتىر. ماسەلەن, 2025 جىلى بارلىق سالالار بويىنشا ورتاشا جالاقى العاش رەت 2017 جىلدان بەرى ناقتى تۇردە تومەندەپ, 442 مىڭ تەڭگەنى قۇرادى (تومەندەۋ – 1,4%).
مۇعالىمدەردىڭ ءبىلىم ساپاسى قاي دەڭگەيدە؟
سوعان قاراماستان, جاعدايدىڭ تولىق كورىنىسىن ەسكەرۋ قاجەت. 2019-2021 جىلدار ارالىعىندا مۇعالىمدەردىڭ جالاقىسى جىل سايىن ەكى تاڭبالى قارقىنمەن ءوسىپ, ورتا ەسەپپەن 17,8%-عا ارتقان بولاتىن. بۇل ءوسىم ءبىلىم بەرۋ سالاسىنا ءتان ەرەكشە ديناميكا ەدى, سەبەبى جالپى ەكونوميكا بويىنشا جالاقى بۇل كەزەڭدە شامامەن ەكى ەسە باياۋ – ورتا ەسەپپەن 8,4% دەڭگەيىندە عانا وسكەن.
ءبىلىم بەرۋ سالاسى جۇمىسپەن قامتىلعاندار سانى بويىنشا دا جەتەكشى ورىنداردىڭ بىرىندە. اتالعان سالا بارلىق زەرتتەلگەن كاسىپورىندارداعى جۇمىسشىلاردىڭ 29%-ىن, ياعني 3,8 ميلليون ادامنىڭ ىشىنەن 1,1 ميلليونىن قۇرايدى. بۇل كورسەتكىش بويىنشا ول ەڭ ءىرى سەكتور سانالادى. ولاردىڭ باسىم بولىگى مەكتەپتەر مەن كوللەدجدەردە ەڭبەك ەتەدى – شامامەن 64%, ياعني 708 مىڭ ادام ورتا ءبىلىم بەرۋ جۇيەسىندە جۇمىس ىستەيدى. سونىمەن قاتار بۇل سالادا ايەلدەردىڭ ۇلەسى جوعارى – 536,8 مىڭ ادام.
قاراعاندىلىق مۇعالىمدەر IMPACT Olympiad وليمپياداسىندا ۇزدىكتەر قاتارىنان كورىندى
ورتا ءبىلىم بەرۋ سەگمەنتىندە دە ناقتى جالاقىنىڭ تومەندەۋى تىركەلگەن – 6,1%.
ايتا كەتۋ كەرەك, 2025 جىلعا قاتىستى بۇل مالىمەتتەر الدىن الا (جەدەل) دەرەكتەر بولىپ سانالادى. ناقتى ناقتىلانعان جىلدىق كورسەتكىشتەر الداعى جاز ايلارىندا جاريالانادى. ادەتتە مۇنداي الدىن الا دەرەكتەر مەن كەيىنگى ناقتىلانعان مالىمەتتەردىڭ ايىرماشىلىعى ايتارلىقتاي ۇلكەن بولمايدى.