قىزىلوردا قالاسىنىڭ №2 سوتى وبلىستىق ينفەكتسيالىق اۋرۋحاناعا مەديتسينالىق كەرەۋەتتەردى قىمبات باعاعا ساتىپ الۋعا قاتىستى اتىشۋلى ىسكە ۇكىم شىعاردى. داۋدىڭ ورتاسىندا اۋرۋحانانىڭ باس ەسەپشىسى, ونىڭ ءىنىسى جانە ازاماتتىق نەكەدەگى جارى بولدى, دەپ حابارلايدى Egemen.kz.
قارجىلىق مونيتورينگ اگەنتتىگىنىڭ حابارلاۋىنشا, اۋرۋحانا جەكە كومپانيامەن 220 كەرەۋەتتىڭ ارقايسىسىن 1,2 ميلليون تەڭگەدەن ساتىپ الۋ تۋرالى كەلىسىمشارت جاساعان. الايدا نارىقتاعى ورتاشا باعا 460 مىڭ تەڭگەدەن اسپاعان. بۇل مامىلە مەملەكەتكە 157,7 ميلليون تەڭگە زالال كەلتىرگەن.
تەرگەۋ بارىسىندا ايىپتالۋشىلار كىناسىن تولىق مويىنداپ, كەلتىرىلگەن شىعىندى وتەگەن. وسىعان بايلانىستى پروتسەسسۋالدىق كەلىسىمگە قول جەتكىزىلگەن.
سوت قر قك 189-بابى 4-بولىگى 2-تارماعى («الدىن الا ءسوز بايلاسۋ ارقىلى ادامدار توبىمەن اسا ءىرى كولەمدە ۇرلىق جاساۋ») بويىنشا كىنالى دەپ تانىپ, ارقايسىسىنا التى جىل باس بوستاندىعىنان ايىرۋ جازاسىن تاعايىندادى. سونىمەن قاتار, بەلگىلى ءبىر لاۋازىمداردى اتقارۋعا جانە كاسىپكەرلىكپەن اينالىسۋعا تىيىم سالىندى.
الايدا, قازاقستان كونستيتۋتسياسىنىڭ 30 جىلدىعىنا وراي جاريالانعان راقىمشىلىققا بايلانىستى جازانىڭ ۇشتەن ءبىرى قىسقارتىلىپ, ولار شارتتى تۇردە ءتورت جىلعا سوتتالدى.