قوستانايدا پاتەرلەردىڭ بىرىندە ەر ادامنىڭ ءمايىتى مەن اۋىر جارالانعان بالا تابىلدى. بەلگىلى بولعانداي, مارقۇم ول ۇيدە تۇرماعان, دەپ حابارلايدى Egemen.kz.
كۋاگەرلەردىڭ ايتۋىنشا, ەر ادام پاتەرگە باسا-كوكتەپ كىرىپ, ونداعى بالانى اۋىر جاراقاتتاعان بولۋى مۇمكىن. وقيعانىڭ ءمان-جايىن پوليتسيا انىقتاپ جاتىر.
- پوليتسيا كامەلەتكە تولماعان ادامنىڭ دەنساۋلىعىنا اۋىر زيان كەلتىرۋ جانە ءمايىتتى تابۋ فاكتىسى بويىنشا سوتقا دەيىنگى ەكى تەرگەۋدى باستادى. قازىرگى ۋاقىتتا بارلىق قاجەتتى تەرگەۋ ارەكەتتى جۇرگىزىلىپ جاتىر. وزگە اقپارات جاريا ەتىلمەيدى, - دەيدى قوستاناي وبلىسى پوليتسيا دەپارتامەنتىنىڭ ءباسپاسوز قىزمەتى.