قىتاي مەن ەۋروپا اراسىنداعى ءترانزيتتى قامتاماسىز ەتۋ بويىنشا قازاقستان اسا ماڭىزدى ءرول اتقارادى. ەل اۋماعى ارقىلى شىعىس ازيانىڭ وندىرىستىك كلاستەرلەرىن ەۋروپانىڭ تۇتىنۋ نارىقتارىمەن بايلانىستىراتىن ستراتەگيالىق تەمىرجول جانە مۋلتيمودالدى مارشرۋتتار وتەدى, دەپ حابارلايدى Egemen.kz.
حالىقارالىق كولىك باستامالارىن ىسكە اسىرۋ شەڭبەرىندە شىعىس شەكارالارىندا شەكارالىق وتكەلدەر بەلسەندى دامىپ جاتىر, «قورعاس – شىعىس قاقپاسى» سياقتى قۇرعاق پورتتاردىڭ قۋاتى كەڭەيىپ كەلەدى جانە كاسپي ءوڭىرىنىڭ پورتتارىن قوسا العاندا, باتىستا ينفراقۇرىلىم كۇشەيتىلىپ جاتىر.
ىشكى تەرمينالدىق جەلىنى دامىتۋمەن قاتار قازاقستاننىڭ شەتەلدىك جۇك قۇراۋشى نۇكتەلەردە بولۋ گەوگرافياسىن كەڭەيتۋ جونىندە شارالار قابىلدانىپ وتىر. ليانيۋنگان پورتىندا جانە سيان قالاسىنىڭ قۇرعاق پورتىندا قازاقستان-قىتاي تەرمينالدارى جۇمىس ىستەيدى, سونداي-اق وتاندىق جەكە سەكتور پوتي پورتىندا تەرمينال تۇرعىزدى.
زاماناۋي لوگيستيكالىق حابتاردى قۇرۋ جانە حالىقارالىق كولىك دالىزدەرىمەن ينتەگراتسيالاۋ قازاقستاندى جاھاندىق جەتكىزۋ تىزبەگىنىڭ ماڭىزدى بولىگىنە اينالدىرادى.
ۇكىمەتتىڭ وسى سالاداعى جۇيەلى جۇمىسى ەلگە ءوزىنىڭ گەوگرافيالىق جاعدايىنان ەكونوميكالىق پايدا الىپ قانا قويماي, ترانزيتتىك دامۋدىڭ تۇراقتى مودەلىن قالىپتاستىرۋعا مۇمكىندىك بەرەدى.