پرەزيدەنت جارلىعىمەن قازاقستان رەسپۋبليكاسىنىڭ تەمىرجول سالاسىن جانە كولىك ينفراقۇرىلىمىن دامىتۋعا قوسقان ايرىقشا ۇلەسى ءۇشىن قازاقستان تەمىر جولى ۇلتتىق كومپانياسىنىڭ ارداگەرى قالتاي سامبەتوۆكە جوعارى دارەجەلى ەرەكشەلىك بەلگىسى – «قازاقستاننىڭ ەڭبەك ەرى» اتاعى بەرىلىپ, ايرىقشا ەرەكشەلىك بەلگىسى – التىن جۇلدىز بەن «وتان» وردەنى تاپسىرىلدى, دەپ جازادى Egemen.kz اقوردانىڭ ءباسپاسوز قىزمەتىنە سىلتەمە جاساپ.
قالتاي سامبەتوۆ - تەمىرجول سالاسىنا 60 جىلدان استام ۋاقىت ارناعان اڭىز ادام. ەڭبەك جولىن 18 جاسىندا اياگوز سيگناليزاتسيا جانە بايلانىس ديستانتسياسىنىڭ مونتەرى بولىپ باستاعان. ينجەنەردەن قتج-نىڭ ءبىرىنشى ۆيتسە-پرەزيدەنتىنە دەيىنگى ەڭبەك جولىن ەڭسەرگەن. ۇزاق جىلدار بويى «قتج» ۇك» اق قوزعالىس قاۋىپسىزدىگى باعىتىن باسقارعان.