وسكەمەن قالاسىندا بەسىنشى قاباتتا تۇراتىن 83 جاستاعى اجە تەرەزە جۋامىن دەپ قۇلاپ كەتتى, دەپ حابارلايدى Egemen.kz.
وقيعا 30 شىلدە كۇنى قالاداعى الماتى كوشەسىندە بولعان.
– انىقتالعانداي, قارت ايەل بەسىنشى قاباتتا تەرەزە جۋعان كەزدە قاۋىپسىزدىكتى ساقتاماعان. سونىڭ سالدارىنان قۇلاپ كەتىپ, العان جاراقاتتارىنان وقيعا ورنىندا قازا بولدى, – دەپ حابارلادى شقو پوليتسيا دەپارتامەنتىنىڭ ءباسپاسوز قىزمەتىنەن.
قالالىق پروكۋراتۋرانىڭ مالىمەتىنشە, بىلتىر وسكەمەندە 4 ادام تەرەزەدەن قۇلاپ كەتسە, بيىل مۇنداي 7 وقيعا تىركەلگەن. ونىڭ ۇشەۋىندە كوز جۇمعاندار – بالالار.
وسى رەتتە, ءتارتىپ ساقشىلارى حالىققا قاۋىپسىزدىك شارالارىن ساقتاماۋدىڭ سالدارى قايعىلى جاعدايعا اكەلىپ سوعۋى مۇمكىندىگىن ەسكەرتتى.