2029 جىلعا دەيىن قاتتى قالدىقتاردى قايتا وڭدەۋ جانە باسقارۋدى 40%-عا جەتكىزۋ ماقساتىندا ەكولوگيا جانە تابيعي رەسۋرستار مينيسترلىگى 345 ملرد تەڭگەنى قۇرايتىن 67 جوبانى جۇزەگە اسىرۋعا ازىرلەپ جاتىر, دەپ جازادى Egemen.kz.
بۇل تۋرالى ۇكىمەتتە وتكەن ءباسپاسوز كونفەرەنتسياسىندا ەكولوگيا جانە تابيعي رەسۋرستار ءمينيسترى ەرلان نىسانباەۆ ايتتى.
«بۇگىنگى تاڭدا 52 ملرد تەڭگەگە 14 جوبا قارجىلاندىرىلدى. جالپى 67 جوبانىڭ 41-ءى تەك قانا وڭدەۋ سالاسىنا ارنالعان. ولار نەگىزىنەن قاعاز, پلاستيك, اينەك جانە تاعى باسقالار. قالدىقتاردىڭ ىشىندە ەڭ كوپ شىعاتىنى وسى ۇشەۋىنىڭ قالدىقتارى. سول سەبەپتەن جىلدىڭ اياعىنا دەيىن ءبىز جاڭاعى ايتقان 67 جوبانى تولىعىمەن باستاپ كەتۋدى جوسپارلاپ وتىرمىز. سونىڭ ناتيجەسىندە بۇگىنگى 25,8% عانا وڭدەيتىن كورسەتكىشىمىزدى 2029 جىلعا قاراي 40%-عا جەتكىزەتىنىمىزگە سەنىمىمىز مول», دەدى ەرلان نىسانباەۆ.