2025 جىلدىڭ ماۋسىم ايىندا جۇرگىزىلگەن الەۋمەتتىك زەرتتەۋ ناتيجەلەرى بويىنشا, قازاقستاندىقتاردىڭ كوپشىلىگى ەلدىڭ دامۋ باعىتىنا وڭ باعا بەرىپ وتىر. قوعامدىق ساياسات ينستيتۋتى 18 ماۋسىم مەن 4 شىلدە ارالىعىندا وتكىزگەن ساۋالناما قورىتىندىسىنا سايكەس, رەسپوندەنتتەردىڭ 79,4%-ى قازاقستان دۇرىس باعىتتا دامىپ كەلەدى دەپ ەسەپتەيدى, دەپ حابارلايدى Egemen.kz.
زەرتتەۋ قوعامدا ەلدىڭ دامۋ جولىنا قاتىستى تۇتاستىق پەن تۇراقتىلىقتىڭ ساقتالعانىن كورسەتەدى. قوعامداعى الەۋمەتتىك كوڭىل-كۇيدىڭ ورنىقتىلىعى مەن سەنىمدىلىك دەڭگەيىنىڭ جوعارى بولۋى ەلدەگى ەكونوميكالىق جانە ساياسي پروتسەستەرگە وڭ باعا بەرۋدىڭ كورىنىسى رەتىندە باعالانادى.
الەۋمەتتىك-ەكونوميكالىق جاعدايعا رەسپوندەنتتەردىڭ 73,6%-ى وڭ باعا بەرگەن. بۇل — حالىق اراسىندا قازىرگى جاعدايعا قاتىستى كوزقاراستاردىڭ تۇراقتالعانىن بىلدىرەدى.
ساياسي احۋال دا تۇرعىندار تاراپىنان وڭ قابىلدانعان: ساۋالناماعا قاتىسقانداردىڭ 76,2%-ى قازىرگى ساياسي جاعدايعا قاناعاتتاناتىندارىن جەتكىزگەن.
مۇنداي وڭ پىكىرلەر ءجىو ءوسىمى, الەۋمەتتىك جانە ينفراقۇرىلىمدىق جوبالاردىڭ ىسكە اسۋى, تۇرعىن ءۇي-كوممۋنالدىق شارۋاشىلىق پەن كولىك ينفراقۇرىلىمىن جاڭعىرتۋ سياقتى بىرقاتار فاكتورلاردىڭ جيىنتىعىمەن بايلانىستى. اتاپ ايتقاندا, ەل ەكونوميكاسىنىڭ 6%-عا ءوسۋى, جاڭا مەكتەپتەر مەن اۋرۋحانالار سياقتى الەۋمەتتىك نىسانداردىڭ اشىلۋى, جول جوندەۋ جانە ينجەنەرلىك جەلىلەردى جاڭارتۋ جۇمىستارىنىڭ جۇرگىزىلۋى – قوعام تاراپىنان وڭ باعالاردىڭ ارتۋىنا سەبەپ بولىپ وتىر.
ساۋالناما 18 جاستان اسقان 2000 ازاماتتىڭ قاتىسۋىمەن, ۇلتتىق رەپرەزەنتاتيۆتى ىرىكتەمە بويىنشا جۇرگىزىلگەن. ىرىكتەمەنىڭ ىقتيمال ستاتيستيكالىق قاتەلىك مولشەرى ±2,2%-دان اسپايدى.