2024 جىلعى ساۋىردە جامبىل وبلىسىندا جانارماي بەكەتىندە رەسەيلىك موتوتسيكل جۇرگىزۋشىسىنە پىشاقپەن شابۋىل جاساعان ەر ادامعا قاتىستى ۇكىم شىقتى, دەپ حابارلايدى Egemen.kz.
تەرگەۋ بارىسىندا ايىپتالۋشى بۇل ارەكەتىن بايكەرلەرگە دەگەن جەكە وشپەندىلىكپەن تۇسىندىرگەن. ول «قاساقانا ادام ولتىرۋگە وقتالۋ» جانە «سۋىق قارۋدى زاڭسىز الىپ ءجۇرۋ» باپتارى بويىنشا قىلمىستىق جاۋاپقا تارتىلعان.
مەملەكەتتىك ايىپتاۋشى 15 جىلعا باس بوستاندىعىنان ايىرۋ جانە 393 200 تەڭگە كولەمىندە ايىپپۇل سالۋدى سۇراعان. الايدا سوت ونىڭ كامەلەتكە تولماعان بالالارى بارىن ەسكەرىپ, 11 جىل 3 اي مەرزىمگە باس بوستاندىعىنان ايىرۋ جازاسىن تاعايىنداعان.
سونداي-اق, سوت شەشىمىمەن جابىرلەنۋشىنىڭ پايداسىنا 500 مىڭ تەڭگە مورالدىق وتەماقى جانە 1,3 ميلليون تەڭگەدەن استام ماتەريالدىق شىعىندى وتەۋ مىندەتتەلگەن.