ۇكىمەت ۇيىندە مەملەكەت باسشىسى جۇكتەگەن ونەركاسىپ, ەنەرگەتيكا جانە كولىك سالالارىنداعى مىندەتتەردىڭ ورىندالۋ بارىسىنا ارنالعان ۇكىمەتتىڭ ءباسپاسوز ءماسليحاتى ءوتتى. جيىندا پرەمەر-ءمينيستردىڭ ءبىرىنشى ورىنباسارى رومان سكليار ناقتى سەكتوردىڭ دامۋ كورسەتكىشتەرىمەن ءبولىستى, دەپ حابارلايدى Egemen.kz.
رومان سكلياردىڭ ايتۋىنشا, 2025 جىلدىڭ العاشقى التى ايىندا ونەركاسىپ ءوندىرىسىنىڭ كولەمى 28,9 ترلن تەڭگەنى قۇراپ, 6,5%-عا وسكەن.
«ونىڭ ىشىندە وڭدەۋ ونەركاسىبى 13,7 ترلن تەڭگەگە ءونىم ءوندىردى, بۇل وتكەن جىلعى كورسەتكىشتەن 5,5%-عا جوعارى. وڭدەۋشى سەكتوردىڭ ەلدىڭ جالپى ىشكى ونىمگە قوسقان ۇلەسى - 12,4%», دەدى پرەمەر-ءمينيستردىڭ ءبىرىنشى ورىنباسارى.
ونىڭ حابارلاۋىنشا, ءوسىم ماشينا جاساۋ (+11,1%), حيميا ونەركاسىبى (+7%), قۇرىلىس ماتەريالدارىن ءوندىرۋ (+8,6%) جانە ازىق-ت ۇلىك ءوندىرىسى (+10%) سالالارىنداعى بەلسەندىلىك ەسەبىنەن قامتاماسىز ەتىلگەن.
سونىمەن قاتار, بيىل جالپى قۇنى 1,5 ترلن تەڭگە بولاتىن 190 جوبا ىسكە قوسىلادى دەپ جوسپارلانعان. قازىرگى ۋاقىتتا 196 ملرد تەڭگەنىڭ 47 جوباسى پايدالانۋعا بەرىلىپ, 3 مىڭنان استام جۇمىس ورنى اشىلدى.