بيىلعى جارتىجىلدىقتا Kazneb.kz پلاتفورماسىنىڭ دامۋى جاڭا دەڭگەيگە كوتەرىلىپ, پايدالانۋشىلار سانى 44, 4 پايىزعا ارتقان, دەپ جازادى Egemen.kz.
مادەنيەت جانە اقپارات مينيسترلىگىنىڭ مالىمەتىنشە, پلاتفورماداعى كونتەنت قارالىمىنىڭ سانى 4 076 629-عا جەتىپ, 30% وسكەن. قاشىقتىقتان 746 056 وقىرمان پايدالانعان.
سونداي-اق اۆتورلاردىڭ رۇقساتىمەن قۇجاتتار 1 ميلليون 600 مىڭنان استام رەت جۇكتەلگەن.
جىل باسىنان بەرى ەلەكتروندى بازا 2 758 قۇجاتپەن تولىعىپ, بىلتىر وسى كەزەڭمەن سالىستىرعاندا 6% كوبەيگەن. بۇگىنگە دەيىن 114 842 بەت سكانەرلەنىپ, 362 049 بەت رەداكتسيالانعان.
قازاقستاندىق ۇلتتىق ەلەكتروندى كىتاپحانا قورىندا 81 357 قۇجات ساقتالعان. وقىرماندار 64 تىلدەگى قۇجاتتارمەن ەركىن تانىسا الادى.
ايتا كەتەيىك, قازۇەك – قازاقستاندىق مازمۇنداعى كەڭ كولەمدى اقپاراتتار ۇسىنا الاتىن تۇڭعىش مەملەكەتتىك كىتاپحانالىق پورتال.
كەز كەلگەن پايدالانۋشى ينتەرنەت جەلىسى ارقىلى قازاقستاندىق ۇلتتىق ەلەكتروندى كىتاپحانا پورتالىنا تىركەلمەي-اق, ەركىن, اۆتوريزاتسياسىز تولىق ءماتىندى قۇجاتتارمەن تانىسا الادى. قازۇەك الەمنىڭ 110 ەلىنەن پايدالانۋشىلاردىڭ سەنىم ارتىپ, تۇراقتى قولداناتىن پورتالىنا اينالعان. پورتالدى پايدالانۋشى نەگىزگى ەلدەر قاتارىندا قازاقستان, رەسەي, گەرمانيا, اقش, وزبەكستان, نيدەرلاندى, فرانتسيا, تۇركيا, قىتاي, ۇلىبريتانيا جانە ت.ب. بار.
پورتالدىڭ كوزى ناشار كورەتىن جاندار ءۇشىن جاسالعان نۇسقاسى دا جۇمىس ىستەپ تۇر.