بۇل كەلىسىم پرەزيدەنت قاسىم-جومارت توقاەۆتىڭ تۇركيا رەسپۋبليكاسىنا رەسمي ساپارى اياسىندا جاسالعان, دەپ جازادى Egemen.kz.
تۇركيالىق جوعارى وقۋ ورنىنىڭ فيليالى وزبەكالى جانىبەكوۆ اتىنداعى وڭتۇستىك قازاقستان پەداگوگيكالىق ۋنيۆەرسيتەتىندە اشىلادى.
«قازىرگى تاڭدا ءبىزدىڭ 12 مىڭنان استام ستۋدەنتىمىز تۇركيادا, ال 300 تۇرىك ستۋدەنتى قازاقستاننىڭ جوعارى وقۋ ورىندارىندا ءبىلىم الىپ جاتىر. وسىعان قولداۋ كورسەتكەنى ءۇشىن تۇركيا پرەزيدەنتى مەن ۇكىمەتىنە ريزاشىلىعىمدى بىلدىرەمىن. ۇزاق جىلدان بەرى تۇركىستان تورىندە احمەت ياساۋي اتىنداعى حالىقارالىق قازاق-تۇرىك ۋنيۆەرسيتەتى تابىستى جۇمىس ىستەپ كەلەدى. سونداي-اق وڭتۇستىك قازاقستان پەداگوگيكالىق ۋنيۆەرسيتەتىنىڭ جانىنان تۇركيانىڭ وزىق ءبىلىم وشاقتارىنىڭ ءبىرى – گازي ۋنيۆەرسيتەتىنىڭ فيليالى اشىلماق», دەدى مەملەكەت باسشىسى تۇركيا ساپارىندا.
ەندى قازاقستان مەن تۇركيا اراسىنداعى ءبىلىم مەن عىلىم سالاسىنداعى ستراتەگيالىق ارىپتەستىك جاڭا دەڭگەيگە كوتەرىلەدى. عىلىم جانە جوعارعى ءبىلىم مينيسترلىگى بۇل حالىقارالىق ءبىلىم كەڭىستىگىندەگى ماڭىزدى سەرپىلىس ەكەنىن اتاپ وتكەن.
ايتا كەتەيىك, ءو.جانىبەكوۆ اتىنداعى وقپۋ – 1937 جىلى قۇرىلعان, ەلىمىزدىڭ وڭتۇستىك وڭىرىندەگى پەداگوگيكالىق كادرلاردى دايارلايتىن ىرگەلى وقۋ ورنى.
سونداي-اق, گازي ۋنيۆەرسيتەتى – 1926 جىلى نەگىزى قالانعان جەتەكشى ۋنيۆەرسيتەتتەرىنىڭ ءبىرى. ول ءبىلىم بەرۋ, عىلىم, مەديتسينا جانە وزگە دە باعىتتار بويىنشا جوعارى دەڭگەيدەگى ماماندار دايارلايدى.