چەحيانىڭ پاردۋبيتسە قالاسىندا 21-30 شىلدە ارالىعىندا توعىزقۇمالاقتان الەم كۋبوگى راپيد جانە بليتس تۇرلەرى بويىنشا ءوتتى. وعان چەحيا, وڭتۇستىك كورەيا, اقش, رۋمىنيا, تۇركيا, اۆستريا, ۋكراينا, ۆەنگريا, قىرعىزستان جانە قازاقستاننان 60-قا جۋىق سپورتشى قاتىستى, دەپ حابارلايدى Egemen.kz.
قر تۋريزم جانە سپورت مينيسترلىگى مەن دۇنيەجۇزىلىك توعىزقۇمالاق فەدەراتسياسى جانە چەحيانىڭ مانكالا فەدەراتسياسى ۇيىمداستىرعان حالىقارالىق دودادا ۇلتتىق قۇراما ۇزدىك ناتيجە كورسەتتى. راپيد – ايەلدەر اراسىندا: التىن مەدال: بازاراليەۆا گۇلنارا (قازاقستان). كۇمىس جۇلدە: ەگىنباي اياجان (قازاقستان). قولا: Hana Kotinova (چەحيا). قولا: Elen Netfleischova (چەحيا). راپيد – ەرلەر اراسىندا: التىن مەدال: رينات كەرەيباەۆ (قازاقستان). كۇمىس جۇلدە: بيعالي زكرياەۆ (قازاقستان). قولا: Akim Nurseitov (قىرعىزستان). قولا: Pavel Noga (چەحيا). بليتس – ەرلەر اراسىندا: التىن مەدال: نۋرجان بيباتىر (قازاقستان). كۇمىس جۇلدە: ەرنۇر قارىعۇل (قازاقستان). قولا: ايتباەۆ راحات (قازاقستان). قولا: اسىلبەك قارجاۋباەۆ (قازاقستان). بليتس – ايەلدەر اراسىندا: التىن مەدال: ساپاربەكوۆا سالتانات (قازاقستان). كۇمىس جۇلدە ارۋجان ابدىحانوۆا (قازاقستان). قولا: مەرۋەرت حۋاتقىزى (قازاقستان). قولا: ناماز اقبوتا (قازاقستان).