«قازگيدرومەت» رمك 31 شىلدەمەن, 1-2 تامىزعا ارنالعان اۋا رايى بولجامىن جاريالادى, دەپ جازادى Egemen.kz.
ەل اۋماعىندا بىرنەشە كۇن بويى ساقتالعان ىستىق اۋا رايىن تسيكلون اۋىستىرىپ, جاۋىن-شاشىندى كەزەڭ باستالدى. سينوپتيكتەردىڭ مالىمەتىنشە, ءتىپتى وڭتۇستىك وڭىرلەردە دە كۇن سالقىنداي باستادى.
«الداعى تاۋلىكتەردە باياۋ قوزعالاتىن تسيكلون قازاقستاننىڭ كوپ بولىگىندە ءوز ىقپالىن ساقتايدى. ەل اۋماعىندا جاڭبىر جاۋادى, سولتۇستىك پەن شىعىستا كەي جەرلەردە قاتتى جاڭبىر كۇتىلەدى, كەيبىر وڭىرلەردە بۇرشاق ءتۇسۋى دە مۇمكىن», دەيدى ماماندار.
2 تامىزدان باستاپ سولتۇستىكتەن انتيتسيكلوننىڭ كەلۋىمەن اۋا رايى وزگەرە باستايدى. اتموسفەرالىق قىسىم كوتەرىلىپ, جاۋىن-شاشىن توقتايدى.
سولتۇستىك وبلىستاردا كۇندىز اۋا تەمپەراتۋراسى تومەندەپ, +15…+20 گرادۋسقا دەيىن سالقىندايدى.