ىزدەۋ-قۇتقارۋ جۇمىسىنا تجم تىكۇشاعى, قۇتقارۋ قىزمەتى, تجد ارنايى اپات-قۇتقارۋ قىزمەتى, رەسپۋبليكالىق جەدەل-قۇتقارۋ جاساعى, كينولوگتار مەن ەرىكتىلەر تارتىلعان. الماتى قالالىق تجد مالىمەتىنشە, ەكى تاۋلىككە جۋىق ىزدەستىرىلگەن 20 جاستاعى جىگىتتىڭ ءمايىتى تابىلدى, دەپ حابارلايدى Egemen.kz.
ءمايىت تابىلعان ورىنعا باراتىن جولدا مۇزدىقتار بار بولعاندىقتان, قۇتقارۋشىلاردىڭ كوتەرىلۋى مەن ءتۇسۋى شامامەن 5 ساعاتقا سوزىلعان. قازىر وقيعا ورنىندا الماتى قالاسىنىڭ پوليتسيا دەپارتامەنتىنىڭ قىزمەتكەرلەرى مەن توتەنشە جاعدايلار دەپارتامەنتىنىڭ پسيحولوگى جۇمىس ىستەپ جاتىر.
«ىزدەۋ-قۇتقارۋ جۇمىستارىنا تجم تىكۇشاعى, 50-دەن استام قۇتقارۋشى مەن ەرىكتى, 8 ۇشقىشسىز ۇشۋ اپپاراتى (درون), 8 تەحنيكا, 3 كينولوگيالىق ەسەپ جۇمىلدىرىلدى», دەپ حابارلادى تجد.