2025 جىلى قازاقستاندا 80 مىڭنان استام ارداگەرگە ارناۋلى مەملەكەتتىك جاردەماقى تولەندى, دەپ حابارلايدى Egemen.kz.
2025 جىلعى 1 شىلدەدەگى جاعداي بويىنشا قازاقستاندا 80 932 ارداگەر تىركەلگەن. ولاردىڭ ىشىندە:
ۇلى وتان سوعىسىنا قاتىسقاندار – 96 ادام; ۇوس ارداگەرلەرىنە تەڭەستىرىلگەندەر – 16 630 ادام; باسقا مەملەكەتتەر اۋماعىنداعى اسكەري قيمىلدارعا قاتىسقان ارداگەرلەر – 26 580 ادام; ۇوس جىلدارىنداعى تىل ەڭبەككەرلەرى – 37 626 ادام.ەڭبەك جانە حالىقتى الەۋمەتتىك قورعاۋ مينيسترلىگىنىڭ مالىمەتىنشە, اتالعان ساناتتاعى ازاماتتارعا 2025 جىلى 8,5 ملرد تەڭگە كولەمىندە ارناۋلى مەملەكەتتىك جاردەماقى تولەنگەن. جالپى, بۇل ماقساتقا 17 ملرد تەڭگە كولەمىندە قاراجات قاراستىرىلعان.
جاردەماقىلار رەسپۋبليكالىق بيۋدجەتتەن اي سايىن تولەنەدى جانە ارداگەردىڭ باسقا دا الەۋمەتتىك تولەمدەر الۋىنا قاراماستان, تومەندەگى مولشەردە بەرىلەدى:
1) ۇوس ارداگەرلەرى – 16 اەك (2025 جىلى – 62 912 تەڭگە);
2) جەڭىلدىكتەرى بويىنشا ۇوس ارداگەرلەرىنە تەڭەستىرىلگەن ارداگەرلەر, ولاردىڭ ىشىندە:
- ۇوس كەزەڭىندە جاراقات الۋى, كونتۋزيا الۋى, مەرتىگۋى نەمەسە اۋرۋ سالدارىنان مۇگەدەكتىگى بار ادامدارعا جەڭىلدىكتەر بويىنشا تەڭەستىرىلگەن ادامدار – 7,55 اەك (2025 جىلى – 29 687 تەڭگە);
- جەڭىلدىكتەر بويىنشا ۇوس قاتىسۋشىلارىنا تەڭەستىرىلگەن تۇلعالار – 6,19 اەك (2025 جىلى – 24 339 تەڭگە);
3) باسقا مەملەكەتتەردىڭ اۋماعىنداعى ۇرىس قيمىلدارىنىڭ ارداگەرلەرى, ونىڭ ىشىندە:
- اۋعانستانداعى ۇرىس قيمىلدارىنا قاتىسۋشىلار – 6,19 اەك (2025 جىلى – 24 339 تەڭگە);
- تاجىك-اۋعان ۋچاسكەسىندە تمد شەكاراسىن قورعاۋدى كۇشەيتۋ جونىندەگى مىندەتتەردى ورىنداعان, يراكتاعى حالىقارالىق بىتىمگەرشىلىك وپەراتسياعا, تاۋلى قاراباقتاعى ەتنوسارالىق قاقتىعىستى رەتتەۋگە قاتىسقان اسكەري قىزمەتشىلەر – 4,8 اەك (2025 جىلى – 18 874 تەڭگە);
4) ۇوس جىلدارىنداعى تىل ەڭبەككەرلەرى – 2,13 اەك (2025 جىلى – 8 376 تەڭگە).