پرەمەر-ءمينيستردىڭ ءبىرىنشى ورىنباسارى رومان سكليار استانا قالاسىنىڭ اكىمى جەڭىس قاسىمبەكپەن جانە وقۋ-اعارتۋ ءمينيسترى عاني بەيسەمباەۆپەن بىرگە «كەلەشەك مەكتەپتەرى» ۇلتتىق جوباسى اياسىندا بىرقاتار قۇرىلىس الاڭدارىن ارالادى. ماقسات – ءبىلىم بەرۋ سالاسىنداعى ءۇش اۋىسىمدى وقىتۋدى جانە مەكتەپتەردىڭ شامادان تىس تولىپ كەتۋىن جويۋعا باعىتتالعان ماڭىزدى ينفراقۇرىلىمدىق جوبالاردىڭ ءبىرى – «كەلەشەك مەكتەپتەرى» جوباسىنىڭ جۇزەگە اسۋ بارىسىمەن تانىسۋ.
ينسپەكتسيالىق ساپار اياسىندا دەلەگاتسيا شىلدە-تامىز ايلارىندا قۇرىلىسى اياقتالاتىن بەس مەكتەپكە باردى. ولار – الماتى اۋدانىنداعى م.تولەباەۆ پەن بۋراباي كوشەلەرىنىڭ قيىلىسىنداعى مەردىگەر «Bazis Construction» جشس سالىپ جاتقان 2 مىڭ ورىندىق مەكتەپ, ش.قۇدايبەردى ۇلى داڭعىلى مەن ءى.جانسۇگىر ۇلى كوشەسى قيىلىسىنداعى مەردىگەر «NAK Construction» جشس سالىپ جاتقان 2 مىڭ ورىندىق مەكتەپ, بايقوڭىر اۋدانىنداعى «ەگەمەن قازاقستان» مەن ا.يمانوۆ كوشەلەرىندەگى مەردىگەر «Bazis Construction» جشس سالىپ جاتقان 2 مىڭ ورىندىق مەكتەپ, نۇرا اۋدانى ە30, ە751, ە796 كوشەلەرىندەگى مەردىگەر «Integra Construction KZ» جشس سالىپ جاتقان 2 مىڭ ورىندىق مەكتەپ, نۇرا اۋدانى ۇلى دالا داڭعىلى مەن ەللينگتون-16 كوشەسى جانىڭداعى مەردىگەر «Integra Construction KZ» جشس سالىپ جاتقان 2 مىڭ ورىندىق مەكتەپ.
2025 جىلى استانا قالاسىندا 14 مىڭ وقۋشىعا ارنالعان 7 كەلەشەك مەكتەبىنىڭ قۇرىلىسى اياقتالادى دەپ جوسپارلانىپ وتىر. بۇل ەكى اۋىسىمدى جانە 7 شامادان تىس تولعان مەكتەپتەردىڭ ماسەلەسىن شەشۋگە مۇمكىندىك بەرەدى. جالپى العاندا, 2024–2025 جىلدارى ەلوردادا ءبىر اۋىسىمدا وقىتىلاتىن 42 400 ورىنعا ارنالعان 23 مەكتەپ سالىنادى.
«كەلەشەك مەكتەپتەرى» جوباسى اياسىندا ەلىمىزدىڭ ءبىلىم بەرۋ ينفراقۇرىلىمى اۋقىمدى تۇردە جاڭعىرتىلىپ جاتىر. ول ءاربىر بالا ءۇشىن زاماناۋي, قاۋىپسىز جانە قولجەتىمدى ءبىلىم بەرۋ كەڭىستىگىن قۇرۋدى قامتاماسىز ەتەدى.