استاناداعى اۋرۋحانادا جۇكتى ايەل سابيىنەن ايىرىلىپ قالدى

وقيعا №2 كوپسالالى وبلىستىق اۋرۋحانادا بولعان. اقپارات الەۋمەتتىك جەلىدە پايدا بولدى.

- ول قانسىراپ جاتتى, جىلادى, كومەك سۇرادى. تۇسىك تاستاۋ قاۋپى بار ەدى, بىراق دارىگەرلەر تاراپىنان ەشقانداي ارەكەت بولمادى. بۇل – سۇمدىق جاعداي. ايەل اۋرۋحانادا دا ءوزىن قاۋىپسىز سەزىنە المايدى, – دەپ جازدى ايەلدىڭ پالاتاداعى كورشىسى.

اۋرۋحانا اكىمشىلىگى ءتيىستى اقپاراتتى راستادى. بۇل دەرەك بويىنشا قىزمەتتىك تەرگەۋ باستالدى.

- ارنايى كوميسسيا قۇرىلىپ, قىزمەتتىك تەكسەرىس جۇرگىزىلىپ جاتىر. تەرگەۋ قورىتىندىسى بويىنشا ءتيىستى شارالار قابىلدانادى, – دەلىنگەن مالىمدەمەدە.

كۋاگەرلەردىڭ سوزىنشە, ايەلدىڭ كومەك سۇراعانىنا قاراماستان, مەديتسينالىق قىزمەتكەرلەر تەك 1 ساعات 45 مينۋتتان كەيىن عانا كەلگەن. وسى ۋاقىت ىشىندە جۇكتى ايەلدىڭ جاعدايى كۇرت ناشارلاپ, نارەستەنى امان الىپ قالۋ مۇمكىن بولمادى.