بۇگىن ورتالىق كوممۋنيكاتسيالار قىزمەتى الاڭىندا سۋ رەسۋرستارى جانە يرريگاتسيا ۆيتسە-ءمينيسترى اسلان ابدرايموۆ سۋ شارۋاشىلىعى سالاسى ماماندارىنىڭ الەۋەتىن ارتتىرۋ بويىنشا اتقارىلىپ جاتقان شارالار تۋرالى باياندادى, دەپ جازادى Egemen.kz.
بىلتىر سۋ رەسۋرستارى جانە يرريگاتسيا مينيسترلىگى سۋ شارۋاشىلىعى قىزمەتكەرلەرىنىڭ جالاقىسىن ەلەكتر ەنەرگەتيكاسى جانە جىلۋ ەنەرگەتيكاسى سالاسىنداعى ماماندار دەڭگەيىنە دەيىن ارتتىرۋ ماقساتىندا «تابيعي مونوپوليالار تۋرالى» زاڭعا تۇزەتۋلەر ازىرلەۋدى باستاعان بولاتىن. ماۋسىم ايىندا زاڭ جوباسىنا مەملەكەت باسشىسى قول قويعان بولاتىن.
زاڭعا ساي 1 شىلدەدەن باستاپ «قازسۋشار» رمك قىزمەتكەرلەرىنىڭ ەڭبەكاقىسى ارتتى.بۇل قاتاردا سۋمەن جابدىقتاۋ جانە سۋ بۇرۋ قىزمەتتەرىن كورسەتەتىن 25 مىڭنان استام قىزمەتكەردىڭ جالاقىسى ارتادى. اسلان ابدرايموۆتىڭ ايتۋىنشا, جالاقى ايماقتارعا جانە ستاتيستيكالىق دەرەكتەرگە بايلانىستى ورتا ەسەپپەن 35-50%-عا وسكەن.
سونداي-اق, جىل باسىنان بەرى «قازسۋشار» رمك-نىڭ 279 ماۋسىمدىق قىزمەتكەرى تۇراقتى جۇمىس ورىندارىمەن قامتىلعان. جاقىن ارادا كاسىپورىن شتاتىنا تاعى 146 ادام قابىلدانادى. وسىلايشا, كاسىپورىننىڭ 425 ماۋسىمدىق قىزمەتكەرلەرى تۇراقتى جۇمىسپەن قامتىلادى.