اقمولا وبلىسىنا قاراستى قوسشى قالاسىنىڭ كاسىپكەرلەرى ءوز ەركىمەن الكوگولدى ساتۋدان باس تارتتى. بۇل تۋرالى اقمولا وبلىسىنىڭ پروكۋراتۋراسى حابارلادى, دەپ جازادى Egemen.kz.
بۇل باستاما اقمولا وبلىسىنىڭ پروكۋراتۋراسىنىڭ حابارلاۋىنشا, قوعامدىق ءتارتىپتى نىعايتۋ جانە قۇقىق بۇزۋشىلىقتىڭ الدىن الۋ بويىنشا جۇمىستار جۇرگىزىلىپ, قوسشى قالاسى مەن تايتوبە اۋىلىنداعى شاعىن بيزنەس وكىلدەرى ازاماتتىق ۇستانىمىنىڭ وڭ ۇلگىسىن كورسەتىپ, بىرقاتار دۇكەندەر مەن ساۋدا نۇكتەلەرى الكوگولدىك ونىمدەردى ساتۋدان باس تارتقان.
كاسىپكەرلەردىڭ بۇل باستاماسىن پروكۋراتۋرا مەن جەرگىلىكتى اتقارۋشى ورگاندار قولدادى. قالا پروكۋراتۋراسى دۇكەن يەلەرىنە ريزاشىلىقتارىن ءبىلدىرىپ, العىس حاتتار مەن ەستەلىك سىيلىقتار تابىستاپ, مۇنداي شەشىمنىڭ قوعامدىق قاۋىپسىزدىك ءۇشىن ماڭىزدىلىعىن ەرەكشە اتاپ ءوتتى.